Eitt verð ég að segja þér........

Ekki allir á fésinu :o)

2009-03-18T01:07:00.017Z

Það er greinilegt að ekki allir eru komnir á fésið og óskaði Kristjana stóra :o) eftir myndum af Kristjönu litlu á þessari ágætu bloggsíðu sem virðist vera að líða undir lok sökum leti eigandans. En auðvitað verð ég við óskinni og skelli hér inn einhverjum myndum. Annars er lífið ósköp viðburðarsnautt hér í Vanabyggðinni nema hvað Kristjana stækkar og stækkar og liggur við að maður sjái mun á henni frá degi til dags. Við ætlum reyndar að skíra um páskana og fáum vonandi góða gesti víðsvegar að til að fylgjst með þessum merka viðburði :o). Guðný var í hálskirtlatöku og hefur því legið í rúminu í um viku, ekki mjög skemmtilegt hvorki fyrir hana né okkur sem yfir henni sitjum :o) Já það er greinilega ekki gott að láta rífa úr sér kirtlana. Eygló er á fullu í fimleikunum og stefnir í tvö mót í apríl mánuði hjá henni, hér heima og svo í R.vík. Ég er á fullu að skrifa rannsóknaráætlun fyrir meistaraprófsritgerðina og stefni á að vera með málstofuna í maí. Ómar er á fullu í Byko og svo er kallinn byrjaður að stunda líkamsrækt, já detti af mér allar dauðar :o)

Já það er kanski bara nóg að gera í Vanabyggðinni þegar grannt er skoðað haha.

En hér má sjá myndir af Kristjönu og Eygló

Ákvað að setja ekki myndir af Guðný minni hér inn, hún er nefnilega svo ángæð þegar mamma hennar er að setja myndir af henni inn á netið :o)

Þangað til næst

Kveðja Drífa

Með lögum skal land byggja...... Vér mótmælum allir

2009-01-21T14:35:00.004Z

Mótmæli eiga fyllilega rétt á sér en án skemmdarverka og skrílsláta sem einkenndu gærdaginn og fleiri mótmælafundi að mínu mati. Ég verð að segja að ég er ofsalega fegin að ég lærði ekki til lögreglu og sjá þar með um að halda uppi lögum og reglum í landinu heldur ákvað að uppeldi og kennsla ungra barna væri mitt fag. Og viti menn, mörgu hefi ég lent í en egg, skyr og önnur matvæli hef ég ekki enn fengið framan í mig á fundum og vona ég að svo verði aldrei. Ef litið er á matvæla- og grjótkast sem eðlilegan verknað í reiði við ákveðna aðila og til að koma sínum málefnum á framfæri held ég að einhverntíma eigi ég eftir að fá á baukinn ef þessu heldur áfram.

Mótmælum með öðrum aðferðum en drullukasti, sýnum smá þroska og kennum börnunum að slíkar aðferðir eru ekki réttlætanlegar og skila ekki árangri sem skyldi nema upp að vissu marki, og spurning hvort það er endilega til góðs.

Hvað skal gera veit ég ekki en allir vilja nýja ríkisstjórn og þá spyr ég hvaða fólk á að taka við, ekki veit ég það því miður annars myndi ég fús segja það. Það er fullt af færu fólki sem getur tekið við segja raddirnar en enginn segir hver það á að vera og hvernig skuli finna það fólk. Ég veit ekki hvort ég vil fá einhvern Pétur og einhvern Pál til að taka til í ruslakompunni sem fyllst hefur að undanförnu af hinum ýmsu brotamálum sökum stjórnleysis og eftirlitsleysi ríkisvaldsins í garð bankanna. Ástandið í þjóðfélaginu er skelfilegt og upp koma svik og prettir nær daglega sem tengjast glæpamönnum, ef svo má kalla þessa aðila, í fjármálageiranum og sér ekki fyrir endann á þessu sýnist mér. En hvað skal gera, já ég spyr. hvað skal gera??

Tíminn flýgur hratt....

2009-01-19T12:56:00.006Z

Það er best að halda áfram að vera dugleg í blogginu svona allavega út janúarmánuð. Ég ákvað að rita hér nokkrar línur meðan Eygló er í skólanum og litla prinsessan sefur. Já það er ótrúlegt hvað tíminn flýgur áfram. Ómar fer að vinna á miðvikudaginn en þá er sú stutta orðin tveggja vikna og ég sem hef rétt lokið við að koma henni í heiminn, ja hérna. Nú er kominn tími til að finna dag fyrir skírn og kannski nafn á dömuna því ekki getum við kallað hana prinsessuna það sem eftir er. Reyndar eru nú ótrúlegustu nöfn sem börnum er gefið í dag. Prinsessa Ómarsdóttir gæti nú allveg gengið :o) eða hvað?

Þangað til næst

Kveðja Drífa

Gleðilegt nýtt ár

2009-01-13T23:31:00.007Z

Þá er kominn tími til að starta bloggárinu 2009 annars eru allir svo uppteknir á Facebook að það kíkja örugglega fáir á bloggsíður í dag. Árið 2009 hófst með því að við fjölskyldan vorum hér heima í Vanabyggðinni og skutum upp örfáum ragettum og kveiktum á stjörnublysum meðan nágranni okkar úr annarri byggð skaut af fullum krafti og leyfði okkur hinum að njóta afrakstursins. Nágrannarnir hér í Vanabyggð 8 skáluðu í kampavíni fyrir nýju ári en ég ákvað að sitja hjá vegna líkamlegs ástands. Þann 3. jan hófst biðin eftir að litíll fjölskyldumeðlimur kæmi í heiminn en biðinni lauk að morgni 7. janúar klukkan 07:52 þegar lítil prinsessa fæddist, tæpir 16. merkur og 52 cm, með dökkt hár og blá augu. Algjör engill.

Lífið hefur því undanfarna daga, eins og ber að skilja, snúist í kringum litlu prinsessuna auk þess sem lífið hefur haldið áfram sinn vanagang með skólagöngu og fimleikaiðkun Eyglóar og prófum hjá Guðný. Ómar er nú heima í fæðingarorlofi í nokkra daga meðan allt er að komast á rétt ról og prinsessan er að venjast okkur og veru sinni utan veggja móður sinnar haha, (þetta var mjög frumlegt). En allavega þá er allt gott að frétta af okkur og hafið það sem allra best á nýja árinu.

Þangað til næst Kveðja Drífa.

Síðasta blogg ársins 2008

2008-12-31T15:10:00.005Z

Ég ákvað nú að skrifa nokkrar línur í tilefni síðasta dags ársins en viðurkenni að ég hef ekki verið dugleg að halda þessari síðu við.

Ég vil byrja á að óska öllum gleðilegrar hátíðar og vonandi hafa allir notið jólanna á sinn hátt með sínu sniði. Árið hefur verið erfitt og margir hafa þurft að breyta töluvert lífsvenjum sínum sem var kannski gott að vissu leiti. Við þurfum að skoða viðhorf okkar og lífsgildi og haga okkur eins og fólk. Ég veit að flestir hafa lifað samkvæmt efnum, en við getum gert miklu betur. Við þurfum ekki allt það sem við höfum veitt okkur undanfarin ár, það má margt fara betur hvað það varðar.

Mótmælendur hafa sett svip á árið og unnið hörðum höndum að því að gera allt sem í þeirra valdi stendur til að láta skoðanir sínar í ljós og fella ríkisstjórnina. Ég veit ekki hvað skal segja um þá fellingu, hver á að taka við?? Varla þeir sem nú eru að eyðileggja tæki og tól stöðvar tvö og hyndra útsendingu Kryddsíldar, ekki vil ég það fólk í stjórn, það eitt er víst. Ég efast um hver er hæfur til að taka við eftir allt sem á undan er gengið. Nú er bara að sjá hvað nýtt ár ber í skauti sér fyrir okkur almúgann því við getum minnst gert í raun þó svo við getum látið í okkur heyra og vonast til að á okkur sé hlustað. Skemmdarverk er ekki rétta leiðin að mínu mati, aldrei, og boðar ekki gott.

Við fjölskyldan höfum haft það þokkalegt um jólin, borðað góðan mat og glatt aðra með gjöfum og þegið kveðjur og gjafir frá vinum og ættingjum. Fjölskyldan er að stækka sem er gleðilegt og vonandi gerist það á allra næstu dögum. Það eru því miklar breytingar í vændum hér í Vanabyggðinni sem vonandi verða til ánægju og yndisauka þrátt fyrir efnahagsástand og stöðu þjóðarinnar á heimsmarkaði. Lífið mun vonandi halda áfram sinn vanagang þar sem skólaganga, íþróttir, atvinna og eðilegt fjölskyldulíf getur gengið óhyndrað.

Nú er ég búin að bulla út í eitt og vil að lokum óska öllum gleðilegs nýss árs og vonandi verður sprengjum við slæmt ástand á brott og vöknum á morgun kát og hress til að takast á við komandi ár. Gangið hægt um gleðinnar dyr og eigið gott kvöld og komandi nýárs nótt.

Kveðja Drífa

Latasti bloggari á veraldarvefnum?

2008-11-05T22:56:00.005Z

Ætli ég sé ekki einn latasti bloggari sem tjáir sig á veraldarvefnum eða hvað? Reyndar eru margir latari en ég þó svo það réttlæti ekki leti mína, en hvað um það. Hér er allur snjór að verða farinn og græt ég það ekki. Það er mun auðveldara að ferðast um hér á Akureyri þegar ekki er snjór. Eina sem mér þykir miður er að þegar snjóa leysir þá verður dimmt. En við látum það ekki á okkur fá hér í Vanabyggðinni frekar en annað sem dynur yfir landann heldur kveikjum á kerti og kúrum okkur hér í kotinu.
Svona ykkur að segja þá ætlar hún Kristín Aðalsteinsdóttir að vera leiðsagnarkennarinn minn í meistaraprófsritgerinni og hittumst við einmitt í gær. Ég hef ákveðið viðfangsefni og nú er að leggjast yfir heimildir og rannsóknir sem snúa að viðfangsefninu. Þetta á svo allt eftir að skýrast þegar fram líða stundir, en ekki meira um það í bili enda allt á byrjunarstigi.

Nú er jólahátíðin að nálgast og ég farin að huga að undirbúningi enda gott að vera tímanlega á ferðinni hvað þetta varðar. Annars hef ég setið undanfarin kvöld og prjónað kjól á yngri dömuna og held ég að hann heppnist bara vel, virkilega smekklegur kjóll :o) svona ykkur að segja.

En ef ég horfi út fyrir fjölskylduna þá er ég að verða þokkalega bit á ástandinu sem ríkir í heimi fjármálanna hér á landi og spyr mig hvernig hægt er að ganga svo langt í svikum og prettum. Hvers vegna þarf öll þjóðin að blæða fyrir sukk ákveðinnar prósentu þjóðarinnar. Ég tók ekki þátt í kaupæði þjóðarinnar og ofurfjárfestingum hvorki hér á landi né erlendis. Hlutabréf hef ég aldrei átt og gamblaði því ekki með slíkt, ég á ekki jeppa né tvo bíla, ekki sumarhús á Íslandi né erlendis, ekki fellihýsi, tjaldvagn, húsbíl né gamalt skátatjald. Fataskápurinn minn er eins tómur og hann hefur verið alla mína ævi, þ.e. aðeins flíkur sem ég þarf á að halda hanga þar, flestar keyptar í Hagkaup og sokkarnir í Rúmfó. Það hanga ekki málverk á veggjunum, húsgögnin koma úr öllum áttum og þá helst úr Rúmfó eða frá öðrum heimilum sem hafa endurnýjað búslóðina. Stimplarnir í passanum mínum eru ekki fleiri en tveir á síðustu 6 árum en þeir voru ánægjulegir. Hvers eigum við að gjalda segi ég nú bara. Jú ég asnaðist til að kaupa mér hús með erlendum lánum og..... Já svona er lífið og við borgum bara þegjandi og hljóðalaust okkar himinháu reikninga með bros á vor :o)

Til hamingju Obama, hristu nú upp í liðinu.

Þangað til næst

Kveðja Drífa

Kuldaboli bankar á dyr..... brrr....

2008-10-20T23:29:00.006Z

Já það má segja að vetur konunur hafi sent bola mjög snögglega til okkar, eða þannig. Maður er reyndar ofsalega hiss á hverju ári þegar fyrsti snjórinn fellur og hefur áhrif á færð. Annars finnst mér snjórinn fínn meðan ég þarf ekki mikið að vera á ferðinni akandi enda fer maður bara það nauðsynlegasta þessa dagana.

En frá snjó til ánægjulegra efnis. Ég ætla nú að geta þess hér að hann faðir minn átti afmæli þann 17. október og náð góðum aldri blessaður, Til hamingju með afmælið pabbi. Hún Lilja amma hefði orðið 87 ára sama dag en hún var svo lukkuleg að fá drenginn í afmælisgjöf á sínum tíma, ekki slæm gjöf þar á ferð.

Annars er lítið að gerast hér í Vanabyggðinni nema allir hressir og kátir eins og gengur og gerist. Brjálað að gera hjá Guðný og Aroni í skólanum en líka gaman að vera til. Ég sjálf bíð enn eftir að fá leiðsagnarkennara en það á víst að skýrast á næstu dögum. Hlakka til að fara að gera eitthvað af viti. Hef reyndar setið við prjónaskap að undanförnu og svo jólakortagerð sem er bara skemmtilegt. En nú ætla ég að fara að halla mér og segi bless

þangað til næst
Kveðja Drífa

2008-10-07T22:18:00.006Z

Þetta er nú ekki hægt lengur, þvílík leti. Ég hef ekki skrifað staf hér síðan í ágúst en það er ekki þar með sagt að ekkert sé í gangi í lífi okkar hér í Vanabyggðinni. Vinnan hófst eftir miðjan ágúst og skólarnir byrjuðu sem betur fer fljótlega á eftir, alltaf gott þegar allir eru á sama róli. Það hafa sem sagt allir hér verið á fullu við nám og störf, ekki veitir af að efla tekna og þjálfa hugann. Já tekjurnar duga skammt þessa dagana svo jákvæðni er eitthvað sem við hér á þessu heimili notum til að fleyta okkur áfram auk þess að láta okkur þykja vænt um hvort annað. En þar sem ég er búin að fá nóg af krepputali og lausnum sem að sjálfsögðu allir hafa í handraðanum læt ég fjármálaumræðu þjóðfélagsins liggja milli hluta.

Guðný er á kafi í skólanum og á vonandi eftir að plumma sig vel í vetur eins og hún hefur gert alla sína skólagöngu. Hún vinnur á Bautanum annað slagið og er farin að æfa Karate, já passið ykkur bara. Eygló er dugleg í skólanum og svo er brjálað að gera hjá henni í fimleikunum. Hún er komin í keppnishóp og fer líklegast til R. víkur í nóvember til að keppa ásamt hinum dömunum í I-2 en það mun vera hópurinn hennar. Ómar er enn í Byko og svo Vélsmiðjunni um helgar, ekki við drykkju og dans heldur við störf haha. Ég hef það bara gott þrátt fyrir aldur og fyrri störf. Vinnan í Kiðagili er mjög skemmtileg enda frábært starfsfólk og svo barnahópur hjá okkur eins og alltaf. Ég steig stór skref í síðustu viku aftur inn í Háskólann á Akureyri og hyggst LOKSINS hefja meistaraprófsskrif. Já óskið mér til hamingju. TIL HAMINGJU DRÍFA :o) Það verður erfitt að byrja en líka skemmtilegt enda hef ég þörf fyrir að hefja áframhaldandi hugarþjálfun. Ég hef semsagt lagt fram einhverskonar hugmynd að efni í ritgerðina svo nú er verið að skoða hver getur orðið leiðsagnarkennarinn minn og þá fer boltinn að rúlla, vonandi hratt.

Jæja það er best að hætta þessu þvaðri og hver veit nema ég kíkki hingað inn aftur fyrir jól.

Njótum þess að vera til eins og okkur er unnt
látum ekki áhyggjur af heimsmálum þjaka sálina því hún er mikilvægari en aurar
notum hvern dag til að gleðja einhvern sem okkur þykir vænt um án þess að það kosti peninga.

Og að lokum af því ég nefndi jólin þá líður senn að jólum og mikilvægt að muna að hugurinn er það sem skiptir máli

Gangi ykkur allt í haginn
þangað til næst
Kveðja Drífa

Blogg-leti

2008-08-12T23:19:00.004+01:00

Nú er sumarfríið á enda hjá okkur hjónum og verður gott þegar allt er komið á rétt ról, skóli hjá dömunum og alles. Ég hef víst ekki bloggað síðan um verslunarmannahelgi en svona til að ljúka öllum skrifum um þá helgi þá var skemmtunin á Akureyrarvelli á sunnudagskvöldið frábær í alla staði og flugeldasýningin gat ekki verið betri. Skipuleggjendur eiga heiður skilið fyrir skemmtilega helgi og vonandi verður skipulag í þessa átt í framtíðinni.

Björg vinkona dvaldi hjá mér í síðustu viku ásamt fjölskyldu og var virkilega gaman að fá þau hingað norður. Við hittumst alltof sjaldan. Við fórum dagsferð í Mývatnssveit með nesti og nýja skó og fórum í göngu um Dimmuborgir sem er mjög fallegur staður. Stefni á að skella mér þangað aftur í desember með Eygló til að hitta sveinkana sem líklega verða þar á ferli.

Annars áttum við bara notalegar stundir auk þess að skella okkur á Dalvík föstudagskvöldið. Við fórum á súpukvöldið sem var mjög skemmtilegt og margt um manninn. Á laugardeginum fór Björg heim til Grindavíkur með allt sitt hafurtask og við skelltum okkur á Fiskidaginn til að sjá herlegheitin. Við smökkuðum eitthvað af fiski, kíktum á markaðinn og Eygló skellti sér á hestbak og svo var haldið heim á leið. Þetta var fyrsta heimsókn mín á fiskidaginn og skemmtilegt hve margir leggja leið sína þangað. Skemmtilega fjölbreyttir fiskréttir voru í boði í miklu magni og gos og íspinnar flæddu um svæðið. Ég vil óska Júlla til hamingju með daginn, hann á heiður skilið fyrir áhugaverða og skemmtilega hátíð. Eitt fannst mér þó með ólíkindum. Þrátt fyrir augljós ruslakör um alla bryggju og fjölda starfsmanna sem sá um að tæma þau þá rataði rusl gestanna ekki alltaf rétta leið og mátti sjá pappadiska, servéttur, gosglös og sælgætisbréf víð og dreif um bryggjuna. Er ekki málið að við Íslendingar förum að ganga betur um. Ég myndi ekki nenna að bjóða fólki til veislu ef það henti leirtauinu og matarafgöngum á gólfið að lokinni veislu og færi svo heim án þess varla að þakka fyrir sig. Að lokum. Takk Dalvíkingar fyrir góðar móttökur og skemmtilega hátíð.

En nú er alvaran tekin við eftir gott sumar hér norðan heiða, sól og ferðalög um nærsveitir.

Hver veit nema ég sýni dugnað og setji myndir inn á næstu dögum

Þangað til næst

Kveðja Drífa

Verslunarmannahelgin

2008-08-03T01:15:00.006+01:00

Frá því ég bloggaði síðast höfum við fjölskyldan haft það gott í sólinni og hitanum og notið þess að vera til þó svo Guðný eyði mestum tíma á Bautanum í vinnu. Ég og Elfa vinkona skelltum okkur í fjallgöngu í vikunni og gengum á súlur. Við gátum ekki fengið betra veður og ekki hægt að fá betra útsýni þó svo hitinn hafi reyndar verið að stríða okkur aðeins. Við komumst samt heilar heim, óbrenndar.

Ég, Ómar og Eygló skelltum okkur svo einn dag út í Hrísey og kíktum í nokkur hús :o) Við enduðum svo með að borða hjá tengdó áður en við yfirgáfum eyjuna og svo var farið beint til Þórunnar og Rúnars á sandinum í smá kaffisopa áður en haldið var heim á leið.

Vikan flaug áfram og áður en við vissum af var komin verslunarmannahelgi og Eygló varð 9 ára gömul þann 1. ágúst. Við héldum nú ekki upp á afmælið en áttum að sjálfsögðu nóg með kaffinu fyrir þá sem áttu leið hjá. Afmælið verður síðan þegar skólinn hefst í haust enda fáir heima á aðalferðatími ársins. Til hamingju með afmælið Eygló mín

Í gær skunduðum við í bæinn og fórum á tónleika í Akureyrarkirkju, mjög gaman og Eygló fór í Tívolí. Svo var haldið niður í bæ á kaffihús og kíkt á mannlífið. Í dag var vaknað snemma til að fara í lautarferð. Við fórum með nesti og nýja skó í listigarðinn og það sem hljómaði í eyru okkur þegar við gengum inn var lagið um hana Hríseyjar-Mörtu, þá vissum við að við vorum á réttum stað. Við áttum notalega stund í listigarðinum við undirspil hljómsveitarinnar Húsbændur og hjú, skemmtilegt band, í góðu veðri þrátt fyrir sólarleysi. Að loknum tónleikum fórum við á opnun listasýningar í Ketilhúsinu, skelltum okkur í að horfa á Jane Fonda leikfimi við Amtbókasafnið meðan börnin fóru í Tívolí. Svo var notið blíðunnar á Bláu könnunni með kaffi og með því og ekki var verra að sólin fór að skína. Kvöldið í kvöld var ekki síðra. Við fórum á skemmtun í miðbænum þar sem Páll Óskar, Hljómsveitin Von, Sigga og Bryndís Ásmunds og fleiri skemmtu gestum. Þess má geta að 80´s er þema hátíðarinnar og mátti sjá skemmtilegan klæðnað og tóku hárgreiðslustofur í bænum að sér að greiða gestum og gangandi.

Fréttamennska er oft dularfull en í kvöldfréttum á Stöð 2 í kvöld var fjallað um útihátíðir á borð við Þjóðhátið og svo Eina með öllu og allt undir. Í dalnum var talað við fjölskyldufólk í hvítu hústjaldi (nokkuð örugg frétt ár frá ári) og áhersla lögð á fjölskyldustemmu í fréttinni. Það var svo einkennilegt að sjá hvað fréttamönnum þótti fréttnæmast hér á Akureyri. Fréttamaður var á unglingatjaldstæðinu og talaði þar við unglinga undir áhrifum áfengis sem veifuðu bala fullum af öli og beruðu svo á sér bossan framan í myndavélina. Mikið vildi ég að fréttamaður hefði frekar skellt sér í listigarðinn með vélina eins og ég gerði eða í miðbæinn þar sem mikið var um skemmtilega viðburði og listafólk af ýmsum toga skemmti gestum. Fréttamenn á ruv gáfu þeir sér tíma til að mynda frábæra viðburði sem hér var að finna enda af nógu að taka og sýndu áhorfendum. EN, nóg um það.

Nú ligg ég eins og klessa við tölvuna og ætla fljótlega að fara að koma mér í bælið meðan Ómar er í vinnu á Vélsmiðjunni og Guðný og Aron eru að tjútta með Páli Óskari og Eygló sefur á sínu græna.

Þangað til næst
Kveðja Drífa (Set inn myndir síðar)

Sólin, hitinn og lognið er hér, hvernig spyr ég.

2008-07-30T00:16:00.006+01:00

Það hefur ýmsilegt verið brallað síðan ég ritaði hér síðast enda gengur ekki að liggja í leti og gera ekki neitt. Við skelltum okkur á Hríseyjarhátíð (Sorry Gréta og Óli ef þið komuð við, ég verð vonandi heima næst) sem fór mjög rólega fram enda svosem ekki mikið um að vera. Þetta var samt sem áður ágætis helgi, afmæli hjá Kristínu vinkonu, rölt um svæðið og spjall við góða vini auk þess sem Eygló tók þátt í þeim keppnum sem í boði voru. Við kíktum jú á Fossinn til að hlusta á Jazzbandið, Ómar skellti sér í óvissuferð og þar sem lítið var fyrir unglingana þá fóru Guðný og Aron í miðnætur-dráttarvélaferð sér til gamans að loknum brekkusöng. En nóg um sjóferð þá. Eygló var í öðru sæti í söngvakeppni hátíðarinnar og hér má sjá mynd af vinningshöfunum. Brosa :o)

Að lokinni hátíð var haldið heim á leið og síðan ákveðið að skella sér í Ásbyrgi á miðvikudegi og vera fram á föstudagskvöld. Guðný kom reyndar ekki með þar sem hún var á leið til Fáskrúðsfjarðar til að taka þátt í Frönskum dögum. Við áttum skemmtilegar stundir í byrginu :o) í geggjuðu veðri með skemmtilegu fólki. Begga, Svenni og börn voru stödd þarna og Elfa, Harpa og Alexander komu í dagsferð enda geta ekki án okkar verið. Á miðvikudagskvöldið fórum við inn í botn með dömurnar og áttum þar notalega stund í geggjuðu veðri.

Við konurnar skelltum okkur í göngu á fimmtudeginum og var gengið á Eyjuna í Ásbyrgi sem var nú reyndar styttri ganga en áætlað var en ágætis hreyfing fyrir grillveisluna. Karlpeningurinn gekk á golfvellinum sér til heilsubótar. Á föstudeginum fórum við ásamt Svenna, Beggu og dömunum að Dettifossi og síðan í hljóðakletta og voru það þreyttir ferðalangar sem lentu á Akureyri um miðnætti á föstudagskvöld eftir stutta viðkomu á Mærudögum á Húsavík. Helginni eyddum við síðan hér heima enda gott að komast í bælið sitt eftir útilegur og útiveru.

Skemmtileg mynd af Eygló við Dettifoss

Þangað til næst

Kveðja Drífa

Hvar er sólin, lognið og hitinn???

2008-07-16T02:30:00.005+01:00

Vika tvö í sumarfríi hafin og eitthvað ætlar góða veðrið að láta standa á sér. Við skelltum okkur samt sem áður í útilegu um síðustu helgi en flúðum sökum rigningar eða réttara sagt lélegs tjalds (úr rúmfatalagernum) þvílíkt drasl. Tjaldinu ver tjaldað einu sinni í fyrra (í sól sem betur fer) en nú rigndi og þá var sagan öll. Sem sagt, Kaupið EKKI tjald í RL vöruhúsi ef þið hafið hugsað ykkur að ferðast um önnur lönd en Afríku þ.e. þar sem líkur eru á rigningu. En allavega fórum við í bústaðinn hjá tengdó að lokinni einnar nætur útilegu og sváfum vel þar í hlýjunni.

Við komum heim á sunnudeginum og þá biðu mamma og pabbi eftir okkur í Vanabyggðinni, gaman að hitta þau loksins. Guðný mín átti 17. ára afmæli þann dag og hefur nú fengið réttindi til að aka bifreið, til hamingju með afmælið elsku Guðný og til hamingju með bílprófið. Ómar á svo 35. ára afmæli á morgun eða í dag þar sem klukkan er komin langt yfir miðnætti, knús og kossar.

Í kvöld fórum við stórfjölskyldna í bíó og sáum Mamma mía. Ég fór á Mamma mía söngleikinná Broadway í New York fyrir tveimur árum sem var mjög skemmtilegt enda frábær lög sem maður getur ekki annað en raulað með. En snúum okkur aftur að myndinni. Þetta er fínasta mynd en ég gat ekki annað en skellt uppúr þegar Meryl Streep hóf upp raust sína og fékk hláturskast þegar hinn eini sanni James Bond eða Pierce Brosnan tók sig til og söng ástaróð, come on, þetta var nett hallærislegt, svona í alvöru, hugsið það aðeins. Þrátt fyrir ágæti myndarinnar og skoplega sjón þá held ég að hægt hafi verið að finna mun betri söng- og leikara í þessi hlutverk og þar með gera myndina mun skemmtilegri en ella.

Ætli við skellum okkur ekki út í Hrísey eitthvað um næstu helgi. Kristín vinkona á 40 ára afmæli á föstudag, stór áfangi og svo er hin árlega hátíð í eyjunni sem maður kíkir eitthvað á.

En ætli það sé ekki best að hætta þessu rugli og skella sér í bælið og halda áfram að lesa "Á ég að gæta systur minnar" ,reyna svo að ná góðum svefni og vakna hress, segjum fyrir 10.

Þangað til næst

Kveðja Drífa

Ég fer í fríið, ég fer í fríið, ég fer í fríið :o)

2008-07-05T23:21:00.003+01:00

Að undanförnu hef ég bara verið í rólegheitum hér í kotinu og notið þess að slappa af milli þess sem ég vann og svaf. Nú er ég komin í sumarfrí og ætla að njóta þess eins og mögulegt er. Lilja sys og co hafa verið hér með annan fótinn frá því á þriðjudag og hinn fótinn á tjaldstæðinu með hinum Vestmanneyjingunum. Hafsteinn var að keppa á N1 mótinu hér á Akureyri og kíkti ég á þrjá leiki hjá stráknum auk þess að rölta um svæðið. Ég verð nú að segja að sumir ættu bara að sitja heima í stað þess að mæta á slíkar samkomur. Ég hlustaði á þjálfara, foreldra og leikmenn missa sig í æsingnum, blóta og jafnvel segja öðrum að halda kjafti eða þeir væru fatlaðir.

Ég held við ættum að einbeita okkur að því að ala upp kurteis börn og gera þeim grein fyrir hvað býr að baka þeim fúkyrðum sem þau nota um hvert annað, það er nefnilega sárt að vera kallaður fatlaður þegar maður á bróður sem er með fötlun, skiljanlega. En jæja, svona að lokum þá getum við glaðst yfir að ÍBV fékk verðlaun fyrir bestu frammistöðuna á mótinu, þ.e. heildarframmistöðu liðanna.

Við höfum lítið planað hvað við gerum í fríinu en Ómar á eftir að vinna rúma viku áður en hann fer í frí. Við ætlum reyndar að skella okkur í útlegu um næstu helgi ef allt gengur eftir og vonandi verða veðurguðirnir okkur hliðhollir. Ætli ég nýti ekki næstu viku til gönguferða og útiveru ef veður verður þolanlegt.

Annars að lokum

Þangað til næst

Kveðja Drífa

Júní á enda brrr og kuldi og trekkur

2008-06-29T23:16:00.003+01:00

Nú er júnímánðuður að taka enda með rigningu og kulda, brrrrr. Það hefur verið lítið að gera nema vinna, borða, sofa og svo smá tiltekt við og við. Guðný er búin að taka bóklega bílprófið og náði en það vildi svo óheppilega til að keyrt var á hana sama daginn og lítur út fyrir að bíllinn sé ónýtur, já allt getur gersten sem betur fer vorum við í fullum rétti. Við erum semsagt með lítinn bílaleigubíl þar til búið er að meta bílinn okkar.

Nú er vika þar til ég fer í sumarfrí og hálfur mánuður þar til Ómar fer í frí, :o) Það verður gott að komast í sumarfrí þó svo veðrið segi manni að það sé lítið sumar þessa dagana og betra að halda sig innan dyra. Við eigum von á Lilju systir frá Vestmannaeyjum og hannar föruneyti og verður gaman að hitta þau loksins. Hafsteinn er að fara að keppa svo maður verður eitthvað á vellinum á komandi viku. En svona til að gleðja ykkur þá setti ég inn myndir á myndasíðuna mína, loksins, en það eru myndir frá göngunni á Gjögurfjall og Látraströnd á dögunum. Endilaga kíkið á myndbrot.

Þangað til næst

Kveðja Drífa

Það er að koma 17. júní

2008-06-16T17:55:00.012+01:00

Það er naumast að tíminn flýgur áfram, ég hef ekki skrifað hér í rúman hálfan mánuð. En nóg hefur verið að gera hjá okkur og er það kannski ástæðan fyrir bloggleysinu. Laugardaginn 7. júní skelltum við Eygló okkur út í Hrísey til ömmu og afa í kaffi og til að taka þátt í kvennahlaupinu. Sunnudaginn 8 júní fórum við svo aftur út í Hrísey því verið var að opna nýja íþróttahúsið. Húsið er stórglæsilegt og geta eyjaskeggjar ekki kvartað yfir plássleysi til íþróttaiðkunar, allir í ræktina :o). Einhverjir eiga þó sjálfsagt eftir að sakna Sæborgar enda átt margar góðar stundir þar um ævina.

Síðan leið vikan og var þá nóg að gera hjá öllum fjölskyldumeðlimum í vinnu meðan yngsti meðlimurinn stundaði fimleika af fullum krafti.
Um helgina skellti ég mér í gönguferð með Ferðafélagi Akureyrar. Þetta var tveggja daga ferð, siglt að látrum og komið sér fyrir í skálanum. Að því loknu var gengið að og upp Uxaskarð og svo gengið á Gjögurfjall þar sem við fengum geggja útsýni þó svo þokubakki hafi aðeins truflað útsýnið. Þegar allir höfðu fengið nægju sína af fjallasýn var haldið til baka í skálann og tók þessi ganga um 6 klukkustundir. Um kvöldið var kvöldvaka þar sem Gunnar Halldórs stjórnaði fjöldasöng og fólk reitti af sér brandara. Reyndar var þreyta að hrjá þennan 15 manna hóp og voru allir komnir í koju klukkan 22:00. Á degi tvö var vaknað klukkan 08:00, borðaður morgunverður og svo pakkað niður fyrir heimferðina. Haldið var að stað klukkan 09:15 og gengin látraströndin endilöng til Grenivíkur og tók sú ganga um 9 tíma, reyndar með þó nokkrum stoppum til að nærast og skoða útsýnið. Ferðin var frábær enda dásamlegt útsýni og skemmtilegur hópur sem þarna var á ferð. Það var þreyttur hópur sem lenti á Grenivík klukkan 18:00 og má segja að Grenivík hafi sjaldan verið eins fögur og þennan dag þegar við drösluðumst síðustu kílómetrana, en þetta mun hafa verið um 21 kílómetri sem arkaður var. Nú er 17 júní á morgun og ætla ég að taka það rólega í Hrísey og hlaða batteríin fyrir komandi vinnuviku.

Set inn fleiri myndir síðar

Þangað til næst

Kveðja Drífa

Sjómannahelgin

2008-06-01T02:00:00.003+01:00

Skelltum okkur út í Hrísey í dag og fórum með stórfjölskyldunni á glæsilegt kaffihlaðborð í Sæborg. Gaman að sjá hve vel er mætt því svo virðist sem á mörgum stöðum sé sjómannahelgin orðin hálf ómerkileg sökum lítillar þátttöku og áhugaleysis. Það skiptir víst máli að sjómennskan er á undanhaldi víða og á í vök að verjast. En þó Ómar sé hættur á sjónum finnst mér mikilvægt að haldið sé uppi heiðri sjómanna þessa helgi og er það sjálfsagt eitthvað tengt uppvexti mínum því pabbi var á sjónum alla mína barnæsku og mun lengur en það.

Guðný og Aron komu með okkur og Guðný mín keyrði út á sand og til baka enda mikilvægt að hún æfi sig áður en stóra stundin rennur upp, bílprófið. Hún fór líka rúnt á dráttarvélinni með afa sinn sér innan handar og leiddist það ekki. Eygló fór út í eyju á föstudagskvöldið til að missa ekki af siglingunni á laugardagsmorgunin en svo virðist sem hún hafi orðið hálf veik, allavega varð hún frekar slöpp eftir sjóferð þá. Það stoppaði hana samt ekki í að verða eftir í Hrísey til að passa frænda sinn, hann Ólaf Þorstein. Þau Ella og Árni voru í eyjunni og var gaman að hitta þau hjónakornin enda gerist það sjaldan.
Hér sit ég ein og rita þessi orð meðan Ómar er að vinna á Vélsmiðjunni og Guðný og Aron eru niðri að læra fyrir prófin sem eru í næstu viku. Ég hef verið að þvælast í tölvunni, hlusta á tónlist og lesa fréttir og leiðist það ekki. Gott að vera stundum einn með sjálfum sér og gera sama og ekki neitt. Ég rakst á skemmtilegt myndband með einum af mínum uppáhalds tónlistarmönnum:

http://www.youtube.com/watch?v=b_eUnxDE8YY&feature=related

Þangað til næst og gleðilega hátíð sjómenn og fjölskyldur þeirra
Kveðja Drífa

Skjálftinn í beinni

2008-05-30T23:22:00.001Z

Það getur allt gerst í beinni

http://youtube.com/watch?v=QvsIfm-37mc

Þangað til næst
Kveðja Drífa

Skelfur jörð

2008-05-29T20:58:00.005Z

Það má segja að jörðin leiki á reiðiskjálfi. Fékk fregnirnar eftir vinnu og brá heldur betur í brún. Fæ nettan hroll við slíkar fregnir þó svo ég geti engan veginn sett mig í spor þeirra sem lenda í slíkum hremmingum enda aldrei lent sjálf í jarðskjálfta. Mömmu datt að sjálfsögðu eldgos í hug (sökum fyrri reynslu) þegar hún fann drunur og skjálfta undir fótum sér inni í húsinu og fékk nettan hroll. Ljósakrónurnar dönsuðu í loftinu og hún fann hvernig hún missti allt jafnvægisskyn og varð hálf flökurt í kjölfarið. Það er mesta mildi að enginn hefur slasast í þessum stóra skjálfta. Fékk loksins fregnir af Valgerði vinkonu og hennar fjölskyldu og þau eru sem betur fer öll heil á húfi þó svo sálartetrið sé ekki upp á sitt besta, skiljanlega, og eignir séu í misjöfnu ásigkomulagi. Ég vona að þetta sé búið en grunar að það taki það fólk sem lenti í þessu langan tíma að jafna sig og treysta umhverfi sínu. Ómar fann skjálftann í Byko, hér á Akureyri, sem segir til um hve sterkur hann var. En eins og alltaf þá standa Íslendingar saman í blíðu og enn frekar í stríðu svo þetta mun vonandi allt fara á besta veg.

Af okkur er lítið annað að frétta nema vinna og sofa. Eygló er að ljúka skólanum á morgun og Guðný er á kafi í próflestri en hún á eina viku eftir og þá hefst sumarvinna á Bautanum. Eygló verður í fimleikum í sumar og svo á námskeið hjá Amtbókasafninu svo það verður nóg að gera hjá öllum í sumar.

Þangað til næst

Kveðja Drífa

Helgin á enda...

2008-05-12T22:35:00.007Z

Nú er þessi langa helgi að taka enda og ég verð að segja að mér þótti hún lítið lengri en aðrar helgar :o) enda flýgur tíminn áfram. Helgin var samt sem áður ánægjuleg:

Við ákváðum að vera heima hjá okkur á laugardaginn, aldrei þessu vant, þó svo Kaffihúsakórinn frá Vestmannaeyjum væri út í Hrísey með tónleika í Sæborg og Brekka væri auglýst opin fram á nótt :o) Við skelltum okkur aftur á móti út í eyju á sunnudeginum og sáum þá vegsummerki, á fólki, um næturopnun Brekku og vorum dauðfegin að hafa verið heima hjá okkur kvöldinu áður. Ég og Eygló fórum í húsvitjanir meðan Ómar fór á Brekku að horfa á einhvern mjög mikilvægan leik, ekki spyrja mig hvaða, og svo enduðum við hjá tengdó í grillveislu. Við vorum svo heppin að hitta Árna og Ólaf, litla, Þorstein en Ella var fjarri góðu gamni, á flækingu erlendis.

Í dag byrjuðum við á garðyrkjustörfum en að þeim loknum fórum við á Laugar til að heimsækja Höllu og fjölskyldu en það var orðið MJÖG langt síðan síðast. Kristján og nafni hans komu og svo Gauti, Rúna og Alída líka svo það var fjör í sveitinni.

Eygló og Alída voru í fimleikum úti á lóð og svo var Eygló svo heppin að fá að prófa fjórhjólið hennar Alídu. Henni þótti ekki leiðinlegt að þeysast um og náði bara nokkuð góðum tökum á þessu

Hér er daman á hjólinu !

Alída flott í gallanum sínum, vel varin!

Smá vídeo af Eygló á Hjólinu

Þangað til næst
Kveðja Drífa

Langt síðan síðast

2008-05-10T20:49:00.005Z

Það er langt síðan ég hef sest við skriftir en hér verður bætt úr því með smá samsulli um allt og ekkert. Hvaða áhyggjur hefur fólk af veðrinu hér norðan heiða, hér er blíða eins og alltaf :o)

Fengum reyndar smá sýnishorn af snjókomu í gær en nú er það allt bráðnað í blíðunni þó einhver snjókorn hafi fest rætur í fjallshlíðum hér í kring. Las reyndar um ófærð einhversstaðar á heiðum, en við fjölskyldan erum ekkert að þvælast þar.

Frá því ég skrifaði síðast hefur mín yndislega stóra-systir náð ákveðnum áfanga í lífi sínu þ.e. hún varð fertug þann 27 apríl þessi elska, Til hamingju með áfangann elsku Lilja. Það segir mér að nú séu fimm ár þar til ég næ þeim áfanga, úps.

Við hjónkornin skelltum okkur í óvissuferð um síðustu helgi með starfsfélögum Ómars í Byko. Það var bara stuð, fórum á skotsvæðið og þar var keppni í skotfimi. Fórum síðan og skoðuðum og smökkuðum Víking, pizzuveisla á Kaffi Akureyri og svo farið í sjóstöng á Dalvík. Hörkuprógram sem endaði á Vélsmiðjunni þar sem Spútnik spilaði fyrir dansi. Ég fékk reyndar ekki fisk og gat þar með ekki endurtekið og sannað hæfni mína í veiðimennsku.

Eygló hélt hér náttfatapartý í gærkveldi og bauð 14 bekkjarsystrum sínum heim. Við bökuðum pizzur í dömurnar og svo fengu þær popp og gos. Það var mikið húllumhæ hér á bæ en gaman að fá þær í heimsókn og kynnast þeim aðeins betur.

Ómar var að vinna í dag og á meðan tók ég mig upp og þreif húsið hátt og lágt. Við höfum ekki ákveðið hvort við ætlum að nýta þess helgi til heimsókna til nærsveita en hver veit nema við skellum okkur út í Hrísey eða jafnvel rennum á Laugar og heimsækjum sjaldséða hrafna.

Þangað til næst

Kveðja Drífa

ps. Ella ! Hafðu það gott á erlendri grundu og sjáumst vonanadi í bráð

Hjá öllum vakir þráin að birta öðrum hug sinn.....

2008-04-19T18:26:00.002Z

Skellti mér á ráðstefnu sem Háskólinn á Akureyri stóð fyrir í dag "Hjá öllum vakir þráin að birta öðrum hug sinn". Fyrirlesarar voru áhugaverðir og eins og heiti ráðstefnunnar gefur til kynna var gert grein fyrir mikilvægi góðra samskipta og tækifæra til tjáningar. Fjallað var um hvernig skólinn getur nýtt samræðuna til aukins náms og betra samfélags og hvaða ávinningur felst í slíkum áherslum.

Málstofurnar voru mismunandi og margar hverjar áhugaverður. Ég sótti málstofu sem fjallaði um hvernig leikskóli á Akranesi fléttar saman tónlistarkennslu og heimspeki. Sigurður Björnsson lektor við KHÍ átti að sjá um málstofuna en forfallaðist sem mér fannst miður en þær stöllur sem sáu um kynninguna stóðu sig ágætlega. Seinni málstofan sem ég sótti var áhugaverð og var það Elín Sigurbjörg Jónsdóttir sem sá um hana. Hún byggði erindi sitt á kenningum Vygotsky um félagsleg samskipti í kennslu barna með frávik í þroska og kom með skemmtilega sýn á hvernig við getum horft til náms nemenda með frávik. Til hamingju með þetta Elín. Það er nefnilega viðhorf okkar sem kennum börnunum sem skiptir mestu máli. Það að vinna markvisst að því að finna hvað einstaklingurinn getur en ekki horfa stöðugt á frávikið eða það sem hann getur ekki. Byggjum á því sem hver og einn hefur að bera og eflum hann sem námsmann á eigin forsendum. Guð hvað þetta var vel orðað hjá mér :o)

En allavega, HA til hamingju með vel skipulagða og áhugaverða ráðstefnu.

Þangað til næst

Kveðja Drífa

Keiluferð

2008-04-17T22:59:00.004Z

Skrapp í keilu með samstarfskonum mínum, mikið fjör hjá okkur. Ég myndi segja okkur nokkuð góðar og því til staðfestingar þá náðum við allar fellu, sumar fleiri en einni. Góður stelpur.

Annars heldur lífið áfram sinn vanagang. Í dag er ég 35 ára og 1 dags gömul og líður bara nokkuð vel. Veðrið spillir ekki fyrir en það hefur verið blíðviðri síðustu daga og spáin segir að svo verði áfram. Það er föstudagur á morgun sem segir mér að helgin nálgist. Ætla að fara á ráðstefnu í Háskólanum á laugardag en á sunnudag ætla ég að slaka á heima eða njóta blíðunnar sem Siggi stormur segir að verði áfram.

Var að kíkka á myndbandið við Eurovision lagið okkar, This is my life, og gat ekki annað en brosað út í annað. Ekki frá því að við vinkonurnar höfum leikið svipaðan leik og númerið í myndabandinu nema hvað það var vinsælt að nota pískara með álpappír til að gera þetta svolítið ekta :o)

Og svona að lokum af því ég hef ekkert að segja, stjörnuspáin í dag.
Hrútur: Heimsfriðurinn byrjar á heimilinu. Þú hefur sjaldan verið umburðarlyndari og átt næga ást að gefa. Þannig dýpkarðu samband þitt við ástvini þína og ókunnuga.

Spurning hvort saltsteinslampinn sem ég hef átt í einn sólarhring hefur þessi áhrif á mig og fjölskylduna, hver veit?

Þangað til næst

Kveðja Drífa

Árin líða .....

2008-04-16T19:33:00.005Z

Náði stórum áfangi í dag þ.e. 35 ára afmælinu mínu, heppin ekki satt. Nú mun kerlan sem sagt vera hálf-fertug eða ætti ég að segja hálf-sjötug, spurning :o)

Þakkir til allra sem sendu mér kveðjur og gjafir í tilefni dagsins, knús og kossar. Það verður ekki leiðinlegt að fara í lúxusgreifynjunudd sem samstarfskonur mínar á Gleym-mér-ei gáfu mér

og leggjast til hvílu með saltsteinslampann sem tengdaforeldrar mínir færðu mér. Það er spurning hvort ég sé farin að líta eitthvað þreytulega út, en eftir þessa frábæru meðferðir mun ég líta út eins og greifynja og sofa eins og engill

Takk fyrir mig

Þangað til næst

Kveðja Drífa

Örsaga göngugarps :o)

2008-04-15T23:04:00.005Z

Frábært veður þessa dagana og ekki annað í stöðunni en að njóta þess eins og unnt er. Eftir annasaman dag í vinnunni ákvað ég að fá mér hressingargöngu. Sólin skein, lækir runnu víða í hitanum og gaman að sjá hvað allt lifnar við. Ég sá í fyrstu eftir að hafa ekki tekið myndavélina með í ferðina en þegar á leið var ég fegin. Þrátt fyrir yndislegt veður þá varð ég fyrir truflun sökum þess sem komið hefur í ljós undan bráðnandi sköflunum. Draslið um allt kom mér svo á óvart og skemmdi í raun fyrir mér þennan annars yndislega göngutúr. Ég veit að ýmislegt fellur til eftir veturinn en ég hef ekki trú á að allt þetta drasl hafi fokið frá fólki. Nei ég tel meiri líkur á því að fólk hafi hreinlega hent draslinu á víðavangi. En.. ég vona að þeir hinir sömu verði jafn duglegir á hreinsunardaginn að tína upp ruslið eins og þeir hafa verið við að henda því. Það er skondið að segja frá því að ég var komin í hlutverk rannsakanda á leið minni. Fréttablöð, fernur, sælgætisbréf, sígarettur, sígarettupakkar, bjórdósir og kassar og fleira varð á vegi mínum. Ég undraðist að ekkert nytsamlegt hefði komið undan snjónum s.s fatnaður, leikföng eða jafnvel einhverjir aurar ( hefði verið fínt að rekast á þá ). Engir aurar urðu á vegi mínum en viti menn, undir lok göngu minnar var mér litið niður og hvað haldið þið? Jú þarna lá sokkur í öllu sínu veldi og er ég ekki frá því að hann hafi brosað til mín.

Svona getur skemmtiganga að kvöldlagi snúist upp í rusla-rannsóknarleiðangur.

Hættið að henda ruslinu á víðavangi

Þangað til næst
Kveðja Drífa

Í nógu að snúast

2008-04-14T17:31:00.005Z

Mér var tjáð að apríl væri að verða hálfnaður og ég væri ekki að standi mig í því að blogga. Ég var að vonum mjög hissa hve langt var um liðið frá síðasta bloggi, nei ég segi svona. Málið er að það er alltaf eitthvað skemmtilegt um að vera hjá manni og spurning að maður gefi sér meiri tíma til að miðla þeirri reynslu, svo virðist sem einhverjir lesi þetta blaður í mér þó svo commentin séu fá.

Til að gera langa sögu stutta þá fór ég með mínum skemmtilegu fyrrum skólasystrum úr KHÍ í óbyggðaferð um þar síðustu helgi og áttum við yndislegar stundir í Hólaskógi. Það er reyndar skondið að segja frá því að í Hólaskógi er enginn skógur í um 20 km radíus frá skálanum en það á sínar skýringar sem er Heklugos sem ég mun ekki greina frá hér enda löngu fyrir mína tíð. Í þessari skemmtilegu ferð gistum við í frábærum skála sem hefur að geyma allar þær nauðsynjar sem óbyggðarlífið þarfnast nema mat, svefnpoka, klæði og drykkjarföng sem fer reyndar svolítið eftir smekk manna, íslenska vantnið er jú að finna þar efra. Markmiðið með ferðinni var að eiga góðar stundir saman með mat og drykk auk þess að fara í skipulagða fjórhjólaferð með Óbyggðaferðum ehf. Á laugardeginum var farið í 5 tíma ferð um óbyggðir Íslands sem var ekki leiðinlegt og ekki skemmdi afslöppun í saunaklefanum fyrir að ferð lokinni. Ég ráðlegg öllum sem áhuga hafa fyrir náttúru Íslands að kíkja á heimasíðu Óbyggðaferða ehf og kynna sér það sem þeir félagar hafa uppá að bjóða.

En frá Óbyggðum til Hríseyjar en þar áttum ég og yngri dóttir mín frábæra helgi í afslöppun hjá tendaforeldrum mínum sem eiga í dag 40 ára brúðkaupsafmæli, frábær áfangi ekki satt og óska ég þeim innilega til hamingju.

Tíminn líður hratt á ..........

2008-03-24T01:43:00.019Z

Var að skoða gamlar myndir og áttaði mig á hvað tíminn líður hrikalega hratt.

Hér er Guðný mín fyrir nær 17 árum og svo Eygló fyrir um 8 árum

Hér eru þær svo saman á spáni í fyrrasumar

Vá hvað þetta er skrítið og ég sem er alltaf eins :o)

Þangað til næst

Kveðja Drífa

Gleðilega páska

2008-03-23T20:00:00.002Z

Páskafríið sem var að hefjast er nú senn á enda, skrítið ?

Hásæti er ekki annað en flosklæddur tréstóll var málsháttur okkar hjóna þetta árið.

Þangað til næst
Kveðja Drífa

Er komin heim :o)

2008-03-11T22:17:00.008Z

Takk fyrir síðast og gaman að sjá þig :o) Við hjónin erum semsagt komin heim frá R. vík og árshátíð Byko lukkaðist bara vel haha. Reyndar erum við búin að fara líka á árshátíð Akureyrarbæjar og má segja að hún hafi bara lukkast vel líka. Annars er ég lítt hrifin af samkomum sem innihalda yfir 1000 manns en ég var í góðra vina hópi sem bjargaði öllu.

Um helgina skellti ég mér á málþing um skóla og kirkju, mjög áhugavert. Það var forvitni sem dró mig í safnaðarheimilið og sé ég ekki eftir því. Bæði fyrirlesarar og svo umræðurnar á eftir voru mjög áhugaverðar. Umræðan sneri að mestu um það hvort eitthvað réttlæti að taka orðið "Kristilegt siðgæði" út úr námskránni og láta orðið "siðgæði" standa eitt og sér. Í fyrstu fannst mér þetta nú skipta litlu máli en það má segja að heilinn á mér hafi snúist í marga hringi og skoðanir mínar voru á flugi meðan á málþinginu stóð. Það má í raun segja að starfsemi skólanna breytist nú lítið við það að kippa "kristilegu" út úr námskránni en túlkun fagmanna á námskránni og jafnvel annarra sem það vilja gera getur breyst. Það þarf að vera á hreinu hvað kenna á börnunum og eftir hvaða stefnu skuli fara. Áhugaverðir punktar stóðu eftir í kollinum á mér sem sjálfsagt öllum er hollt að velta fyrir sér:

Hvað er siðgæði ef það er ekki kristilegt?
Er trúboð í skólum þó svo kristinfræðikennsla fari fram?
Hvað með söngva, þulur og sögur sem snúa að kristni (menningu okkar) ?
Er ekki lýðræði sprottið af kristni?
Þjóðin er meira og minna kristin þó svo það séu ekki allir í þjóðkirkjunni eða að brölta í kirkju.
Hvað eru manngildi? Túlka allir orðið manngildi eins?
Hvað merkir orðið umburðarlyndi?
Hvað finnst mér um lífsstefnuskóla?
Hvað með menningu sem snýr að trú, sögunni?

Já það er margt sem maður veltir fyrir sér eftir þetta ágæta málþing en nú höldum við áfram.

Dagarnir og mánuðirnir fljúga áfram og er maður í mestu vandræðum að fylgja þeim eftir. Það er samt kominn tími til að slaka á eftir allar þessar hátíðir og hefðir sem hafa dunið yfir okkur síðustu mánuði og var geggjað að slappa af síðustu helgi og gera sama og ekki neitt. Vera bara heima í faðmi fjölskyldunnar, skella sér á skauta og lesa góða bók. Þetta mun einnig verða verkefni næstu helgar, slappa af.

Frétti af frábærri síðu með hollustu uppskriftum af öllu mögulegu endilega kíkið á hana

http://cafesigrun.com/uppskriftir/?ufl=1

Þangað til næst

Kveðja Drífa

Á ferð og flugi

2008-02-14T22:13:00.006Z

Jæja nú er þorrablótið í Hrísey yfirstaðið og lukkaðist það, að mínu mati, bara nokkuð vel. Það er gaman að vinna að samkomum sem þessari og fjör meðan á henni stendur en það er líka gott þegar allt er búið. Held við höfum verið allveg einstaklega heppin með hvað allir í nefndinni náðu vel saman og unnu vel að því að gera kvöldið skemmtilegt. En svona að lokum, ef einhver á skemmtilegar myndir frá blótinu sem eru skýrar og góðar þætti okkur hjónakornunum vænt um ef þið senduð okkur þær. Ástæðan er mynddiskurinn sem við erum að klára að vinna og vantar okkur myndir frá skemmtiatriðunum.

Lífið heldur áfram og þá taka við ný verkefni. Það er nóg að gera í vinnunni hjá okkur Ómari og ekki síður að sinna þeim hátíðum og hefðum sem fylgja þessum vinnustöðum. Nú er árshátíð hjá Byko á laugardaginn og ætlum við skötuhjúin að slá tvær flugur í einu höggi og skella okkur suður á föstudagskvöldið og heimsækja HHH. Guðný verður að vinna í fjallinu og Eygló okkar ætlar að fara til ömmu og afa í Hrísey en það er síðasta heimsóknin í bili því þau hjónakornin eru á leið utan til að sleikja sólina, gott hjá þeim.

Smá pælingar hvað varðar valentínusardaginn en svona ykkur að segja þá héldum við hjónakornin ekki sérstaklega upp á hann. Við ákváðum að halda okkur við íslenskar hefðir og láta bóndadaginn og konudaginn duga. Við vorum samt ekkert leiðinleg hvort við annað, ekki misskilja mig, heldur vorum eins elskuleg hvort við annað og við jafnan erum:o)

En það getur verið erfitt að vera móðir :o) Kíkkið á þetta

http://www.youtube.com/watch?v=uFYcmZEOvW4

Þangað til næst

Kveðja Drífa

Nú er liðinn öskudagur.........

2008-02-07T01:23:00.000Z

Blótið nálgast óðum og það er lítið að frétta hér úr Vanabyggðinni nema alltaf nóg að gera. Nú er vetrarfrí í grunnskólum á Akureyri en þar sem hún Eygló mín er svo heppin að eiga yndislega ömmu og afa hér í nágrenninu þá fór hún út í Hrísey með þeim seinnipartinn eftir skemmtilegan öskudag með frænku sinni, henni Bergþóru og mömmu hennar, öskudagsball í skólanum og fimleika. En svona fara vetrarfríin, börnin í fríi út og suður og mamma og pabbi að vinna. Spurning hverjum þessi frí eru ætluð og hvort annað skipulag væri æskilegra??? Held það mætti endurskoða þetta, hvað segið þið um það???

En hér er hún tengdamóður mín árið 1963 í leiksýningu í Hrísey. Spurning hvort Ella geti ekki fundið þennan kjól, hann er bara nokkuð smart, finnst ykkur ekki?

Hér er svo hún Halla Gríms. Ákvað að láta þessa skemmtilegu mynd fljóta með.

Þangað til næst

Kveðja Drífa

Öskudagur nálgast

2008-02-05T22:21:00.001Z

Nú er bolludagur floginn fram hjá, sprengideginum að ljúka og öskudagur nálgsast óðfluga. Hrikalegt hvað tíminn flýgur áfram.

Hér erum við hjónin ásamt Hrannari fyrir rétt um ári síðan

Þangað til næst

Kveðja Drífa

Vetur konungur

2008-01-31T22:51:00.000Z

Nú hefur vetur konungur látið á sér kræla hér norðan heiða enda þorrinn genginn í garð með öllu tilheyrandi. Við hjónin ætlum að skella okkur á blót á laugardagskvöldið með starfsfélögum Ómars og svo er auðvitað hið stór-skemmtilega þorrablót í Hrísey um næstu helgi. Miðarnir uppseldir og allir bíða spenntir, líka ég :o)

Ella er líka spennt :o) En Simmi verður fjarri góðu gamni.

Gummi mætir galvaskur en spurning hvort hann mæti í balldressinu eða komi í hefðbundunum klæðnaði

Þangað til næst
Kveðja Drífa

Janúar senn á enda

2008-01-24T22:45:00.001Z

Tíminn flýgur enda í nógu að snúast. Þorrablótsundirbúningurinn í fullum gangi og allir miðar að seljast upp sem er bara frábært. Þetta verður jú síðasta blótið í Sæborg, blessuninni, og gaman að geta verið þátttakandi í því. Annars er bara lítið að frétta af okkur í Vanabyggðinni, bara nóg að gera í vinnu, skóla, íþróttum og öllu sem fylgir daglegu lífi flestra. Við höfum eins og flestir fylgst með fréttunum undanfarna tvo sólarhringa þ.e. skrípaleik þeirra sem borgarbúar kusu yfir sig. En það er víst ekki hægt að vita fyrirfram hvað grípur fólk þegar völd eru annarsvegar, hver sem á í hlut. Ég er alllavega fegin að vera ekki þátttakandi í þessari hringavitleysu sem skapast hefur í kringum borgarstjórnina og vona að menn fari að taka sig saman í andlitinu og vinna að þeim málefnum sem skipta máli og sanna tilverurétt sinn í stjórnmálaheiminum.

Ákvað að skella myndum hér inn bara svona til að hita upp fyrir blótið, bara 2 vikur til stefnu

Þangað til næst

Kveðja Drífa

Tíminn flýgur áfram......

2008-01-10T18:58:00.000Z

Já tíminn flýgur enda í nógu að snúast. Börnin komin í leikskólann eftir jólafrí og starfið komið í fullan gír, gaman það. Það má segja að maður sé feginn að allt er komið í eðlilegt horf, ekki sofið fram að hádegi og vakað fram á rauðan morgun. Senn líður að þorrablóti og verður auglýsingum komið af stað um og yfir helgi. Víð hjónin höfum verið að vinna skemmtilegt verkefni í tengslum við það bæði í myndrænu formi og í formi leikþátta og höfum haft gaman af. Það verður gaman að hitta liðið í eyjunni og vona að þeim eigi eftir að þykja jafn gaman að hitta mig, að loknum skemmtiatriðum híhíhíhí.
En hvað þjóðmálin varðar þá er ótrúlegt hvað hægt er að leggja mikla orku og aura í gömul hús á laugarveginum á meðan barnafólk á höfuðborgarsvæðinu er að púsla saman dögunum hjá sér. Hver vika fer í að finna út hvernig fólkið getur stundað vinnu sína þar sem börnum þeirra er vísað heim úr leikskólunum sökum manneklu. Spurning að fara bara með börnin til ráðamanna í borginni og athuga hvort þeir hafi tíma aflögu til að brúa bilið hjá foreldrum. Nei allt sem snýr að dauðum hlutum virðist mikilvægara en við mannfólkið því miður. Það má segja að við kennarar í leikskólum á Akureyri séum í raun heppnir hvað þetta varðar, sem betur fer.

En að lokum er það spáin í dag:

Hrútur: Þú ætlast til að fólkið þitt standi sig jafn vel og þú. En fólk er ólíkt. Reyndu að taka fólki á þeirra eigin forsendum. Í kvöld kemurðu erfiðu verki frá sem bíður þín.

Þangað til næst

Kveðja Drífa

Árið er liðið i a........s.....

2008-01-01T06:15:00.000Z

Var að velta fyrir mér þessu með áramótin. Ákváðum að vera heima þetta árið enda flutt á nýjan vettvang, unglingur á heimilinu og ákváðum því að dvelja heima í nýju húsi að þessu sinni. Fengum góða gesti í kvöld, Þórunni, Rúnar og hluta af börnum. Áttum góða stund með góðum mat, drykk og góðri stemmu. Eftir að búið var að skjóta upp því litla sem keypt var (miðað við nágranna í Norðurbyggð eitthvað) fór að blása og blés hann og blés næstum húsinu um koll ( já næstum eins og i ævintýrinu um grísina þrjá). Að sjálfsögðu heyrðum við í slatta af fólki en gestirnir ákváðu samt að ferðast til síns heima þegar líða tók að morgni hvort sem um var að kenna komandi hvassviðri eða því að hér voru heimakærir ferðalangar á ferð sem langaði að komast í ból Bjarna ha ha.

Hvað sem á gekk eða mun ganga var þetta notalegt kvöld með góðri stemmu og skemmdi ekki ágætis áramótaskaup fyrir kvöldinu og hlógum við dátt yfir bröndurum sem á léttan hátt vöktu okkur til umhugsunar um liðið ár.

Takk fyrir ánægjulegar stundir á liðnu ári og sjáumst hress á því næsta.

Þangað til næst

Kveðja Drífa

En hver er tilgangur þess að blogga og fá ekkert comment. Spurning að kíkja á málþing bloggara þegar færi gefst til, blogg, blogg, blogg bloggi áramótabloggi.

Gaggalagúúú

Jólin koma, jólin fara

2007-12-27T23:34:00.000Z

Nú er hversdagsleikinn tekinn við í um það bil tvo daga og þá fer maður aftur að huga að hátíðunum og að þessu sinni er það áramótahátíðin. Við erum búin að hafa það þokkalega gott yfir jólin, áttum ánægjulegar stundir í faðmi fjölskyldunnar, fengum góðan mat, gjafir, jólakort og kveðjur sem reyndar fækkaði verulega þetta árið, spurning að flytja oftar. VIð fórum í Hrísey á Jóladag og vegna þess hve ólæs við erum í fjölskyldunni fórum við á vitlausum tíma á sandinn en urðum heppin að fá far með Huldu Hrönn, M. Helgadóttur sem var að fara út í Hrísey eftir messuhald í Stærri Árskógkirkju, heppin við. Við fengum að sjálfsögðu hangiket hjá tengdó á jóladag og svo var farið snemma í háttinn. Reyndar var líka farið snemma á fætur eða um miðja nótt þar sem nýji fjölskyldumeðlimurinn (Katla) sem er hamstur vakti alla í Hólabraut 3 með hlaupum. Já það liggja ekki allir í leti yfir jólin ha ha. Ég mér göngu út að hliði í hádeginu á annan í jólum, dásamlegt veður, og ekki hægt annað en fara út og njóta þess. Við fórum svo í kaffi til Báru og Kidda og strax á jólaball að því loknu og svo strax í mat til tengdó áður en ferðinni var haldið heim á leið með ferjunni. Já við dóum ekki úr hungri í Hrísey heldur bættum við síðubitann sem þýddi fyrir mig, Ræktin, púff púff, það var erfiður jólatíminn í dag. En allavega þá er vinna á morgun og svo aftur frí, hvernig endar þetta allt saman.

Guðný las á pakkana

Spennan í hámarki. Katla, nýr fjölskyldumeðlimur

Sveinkar úr Dimmuborgum komu á jólaball í Hrísey

Vel skreytt hjá ömmu og afa í Hrísey

Þangað til næst

Kveðja Drífa

Gleðileg Jól

2007-12-24T23:06:00.000Z

Jæja þá er jólahátíðin gengin í garð og sitjum við nú hjónin og horfum á tónleika á ríkissjónvarpinu eftir ánægjulega kvöldstund með kertaljós, góðan mat og drykk, jólakort og jólagjafir. Það var smá spenna í loftinu framan af kveldi (hjá yngsta fjölskyldumeðlimnum)og var gott þegar allir pakkarnir voru farnir undan okkar fína jólatré (svakalega stolt af lifandi jólatréinu okkar) og allir urðu rólegir á ný. Ég man nú sjálf eftir biðinni miklu þegar barnaefnið var búið og maður beið eftir að klukkan myndi slá sex. Síðan tók við biðin eftir að búið væri að borða og vaska upp (því ekki voru neinar vélar þá sem sinntu því hlutverki þá) og svo fékk maður loksins að taka upp pakkana púfffff svakalega erfitt.

En nú ætla ég að óska ykkur gleðilegra jóla og farsældar á komandi ári og vona að þið njótið hverrar mínúu í fríinu ykkar. Verið góð við hvort annað, kossar og knús.

Jólakveðja

Drífa, Ómar, Guðný og Eygló

Jóla hvað?

2007-12-14T00:12:00.000Z

Desember er genginn í garð og takk fyrir að minna mig á það HHH, ekki veitir af því að pikka í mig þar sem ég þarf að komast í jólaskap.

Það má segja að jólastressið sé að fara með landann, allavega ákveðinn kjarna, meðan aðrir hafa ekkert annað að gera en að pikka á tölvu (líkt og ég er að gera núna) og blogga um húðlit söngkonunnar Birgittu Haukdal, come on, hverjum er ekki sama hvort hún er of gul eða ekki.

Annars hef ég nú ekki mikið að segja hér á þessu ágæta kvöldi enda búin að vera að dúlla mér hér heima við að gera sem minnst, útbúa smá sætindi til að fara með í vinnu á morgun og leika jólasvein. Jólastressið hefur ekki látið á sér kræla hjá mér sem betur fer, enda borgar sig að vera í Félagi fyrirhyggjusamra húsmæðra, en verð fegin að losna við jólakortin og pakkana af borðinu sem senda á suður. Talandi um pakka þá hef ég gert tvær tilraunir til að skjótast í verslun í síðustu viku eftir tveimur gjöfum. Það hefur ekki gengið nógu vel þar sem ég fyllist óhug við að sjá bílastæðin og fæ nett sjokk þegar ég geng inn í verslanirnar. Fjöldinn allur af fólki flykkist milli rekka með haugana af mat, drykk, gjöfum og bara einhverju sem það finnur og stressið og örvæntingin skín úr andliti þeirra. Blessuð börnin standa á orginu sökum leiðinda og löngunnar í það sem verslanirnar hafa að bjóða, leikföng í miklu magni. Á meðan eru aðrir sem eru léttir á þessu og ganga um verslanirnar en fara nær tómhentir heim sökum þess að þeir ná ekki að fókusera í þessum látum. Ætla að gera eina tilraun annað kvöld til að ljúka þessu og vona að jóla-stress-fólkið verði heima að baka 20 sortir af smákökum svo jólin komi nú örugglega á réttum tíma hjá þeim. Já jólin geta verið erfið fyrir marga og margt sem þörf er að takast á við:

En frá allt öðru en jólum og nú skulum við tala um kjamma, já sæll.
Nú er þorrablótsundirbúningur hafinn og erum við hjónin að vinna að smá verkefni tengdu síðasta þorrablótinu í Sæborg í Hrísey sem verður laugardaginn 9. febrúar 2008 (miðapantanir og frekari upplýsingar nánar auglýstar síðar). Þetta mun verða eitt af síðustu embættisverkum okkar hjóna í Hrísey, að sitja í Þorrablótsnefnd, en eigum vonandi eftir að mæta galvösk á þorrablót í Hrísey um ókomna tíð.
Og núna, af því ég er búin að koma auglýsingunni að, er best ég fari í háttinn.

Þangað til næst og góða nótt

Kveðja Drífa

Þegar allt þrýtur

2007-11-23T22:56:00.000Z

Er ekki málið að skoða stjörnuspá dagsins þegar allt þrýtur. Hrúturinn er náttúrulega skemmtilegt merki enda skemmtilegt fólk þar á ferð. Hver hefur ekki hitt skemmtilegan hrút, bara spyr? Burt séð frá því þá tjá stjörnurnar mér í dag að ég eigi að lifa lífinu en ekki að skrásetja það og því spurning hvort ég þurfi ekki að hætta skrifum hér á veraldarvefinn, ekki það að það hafi farið mikið fyrir mér að undanförnu. Verst að ég skoðaði spána svona seint þar sem mér er sagt að lifa lífinu í kvöld ekki það að ég sé í andaslitrunum en ég hefði getað velt fyrir mér öðrum verkefnum en tölvu-hangsi, síma-mali og þrif-verkum. En ég er allavega að lifa lífinu lifandi þó svo ég fari aðrar leiðir en sumir hvað það varðar.

Fór á tónleika í gærkveldi með Ómari mínum (ekki þínum), Eygló minni og Eygló, þ.e. tengdamömmu. Þau sem glöddu okkur með söng sínum voru Guðrún Gunnars og Friðrik Ómar og get ég ekki sagt annað en ég hafi skemmt mér konunglega. Höllin var full af fólki og söngvarar og hljómsveit stóðu sig eins og hetjur að mínu mati, ekki frá því að það hafi vaknað upp smá-örlítil-pinkulítil jólatilfinning :o) þó ég hafi ekki misst mig í jólagjafainnkaupum, bakstri, jólakortagerð né skreytingum í dag heldur fór um mig nettur jóla-hrollur. Ætli ég láti jólaverkin ekki bíða til mánaðarmóta, þar til aðventan byrjar.

En nú þarf maður að fara að ganga með klósettrúllu á sér ef þannig vildi til að maður þyrfti að létta á sér við jólainnkaupin. Ég þarf kannski að fá mér nýja handtösku þar sem mín er mjög nett. Talandi um það þá var mikið gert grín að töskunni minni í vinnunni í morgun þegar ég þurfti að rífa allt upp úr henni til að leita að smáræði. Dömurnar störðu á töskuna og höfðu orð á því hvers konar taska þetta væri eiginlega, hvernig allt þetta drasl kæmist í hana. Hver veit nema rúllan komist fyrir, ég prófa það allavega áður en ég fjárfesti í nýrri tösku :o)

Já þjófar og vopnaðir ræningjar eru nú farnir að biðjast þá afsökunnar sem þeir ógna og ræna. Batnandi mönnum er best að lifa segir máltækið víst. Ég ætla að vona að þeir leggji þetta ekki í vana sinn hér eftir, þ.e. að ræna og koma svo grátandi og fyrirgefandi og þá eigi allir að brosa út í annað ef ekki bæði. Ég rakst á blogg um þessa frétt. Alltaf gaman þegar heimilunum og foreldrunum er kennt um "Það hlýtur eitthvað að vera að heima hjá honum". Er ekki bara þjóðfélagið orðið sýkt, burt sé frá einu eða öðru heimili ? Lífskapphlaupið gerir það að verkum að börn og unglingar í dag eru ekki að höndla það sem við höfum að bjóða þeim. Eigum við ekki bara að slaka á og gefa afkomendum okkar smá "breik" eða eigum við að ösla þeim áfram í peningaeyðslu, vinnufíkn og tímaleysi. Ekki meira um það...... enda ekki pláss fyrir þessa umræðu hér, grrrrrr :o)

En svona að lokum þá er Britney Spears (samkvæmt Vísi) farin að ganga aftur í nærbuxum. Halló, hverjum er ekki sama ?''

Einn að lokum

Þangað til næst

Kveðja Drífa

Faðir getur ekki verið móðir......

2007-11-20T22:04:00.000Z

Það er með ólíkindum hversu oft kynin vilja koma sér í hin ýmsu samtök eða félög sem hitt kynið hafa sett á fót til aðgreiningar. Það er ekki óeðlilegt að konur og karlar, mæður og feður, finni þörf á að aðgreina sig (svona annað slagið) enda mikilvægt að kynin fái að finna til sín svona við og við.

Sumar konur finna hjá sér hvöt til að ganga í félög sem ætluð eru körlum s.s. Félag ábyrgra feðra. Karlar finna sumir hverjir hvöt til að ganga í Kvenfélög (hafa jafvel lagt fram formlega ósk um aðild). Erum við orðin svona upptekin af því að ekki megi aðgreina kynin og sé það gert verði hinu kyninu misboðið og finni til einhverskonar "minnimáttar" tilfinningar. Ég spyr þar sem ég hef ekki fundið þessa hvöt hjá mér, sem konu, að komast í félög sem karlkynið hefur stofnað til og eru einungis ætluð karlmönnum.

Ég velti því fyrir mér hvort þingkonan okkar Steinunn Valdís Óskarsdóttir geti ekki, í kjölfar frumvarps um breytingu á starfsheitinu "ráðherra" geti ekki lagt fram aðra tillögu sem miðar að því að félög séu ekki aðgreind með kyni heldur beri ætíð heiti sem vísar til beggja kynja.
Svo er annað inn í myndinni þ.e. karlar og konur hafa fundið ýmsar leiðir í gegnum tíðina til að komast í hóp þess kyns sem það áður ekki tilheyrði.

Þangað til næst :o) og...
áður en allt verður vitlaust :o)
Kveðja Drífa

Nýr mánuður

2007-11-12T22:34:00.000Z

Sæl og takk fyrir síðast

HHH sagði mér að nú væri kominn nýr mánuður, takk fyrir upplýsingarnar :o )

Það hefur verið mikið að gera hjá okkur undanfarið eða þar síðan við fluttum, en ég skrapp í Hrísey síðustu tvær helgar með yngri dömuna til ömmu. Þar hlóðum við rafhlöðurnar, gistum og hittum vini og vandamenn, ekki slæmt að koma í Hrísey. Annars er lífið bara vinna, borða og sofa, eins og sjálfsagt hjá flestum.
Nú þarf maður að að fara að drífa sig í að kaupa jólagjafirnar og skrifa jólakortin því ekki ætla ég að vera sein þetta árið enda gengin í Samtök fyrirhyggjusamra húsmæðra (skráning stendur yfir). Lilja systir verður örugglega ánægð með það því þá fer ég kanski að muna eftir afmælisdögum fjölskyldunnar og hætti að slá tvær flugur í einu höggi þ.e. afmælisgjafir, fermingargjafir, jólagjafir og aðrar gjafir eru ávall gefnar í desember, nokkurskonar ársuppgjör :o) Í ár er ætlunin að sýna fyrirhyggju og ljúka öllum jólaverkum fyrir aðventu og njóta desembermánaðar í botn með kaffihúsaferðum, tónleikum, heimsóknum og án alls jólastress. Gangi mér vel, ætli ég endi ekki eins og þessi þarna

En svona að lokum fyrir HHH

Langferðabíll er á leiðinni til Akureyrar með fullan bíl af eldri dömum. Það er slegið létt á öxl bílstjórans af lítilli, gamalli konu sem spyr hann að því hvort hann vilji fá handfylli af hnetum.
Þar sem bílstjóranum þótti hnetur ekkert vondar, tók hann glaður á móti þeim, og hakkar í sig hneturnar. Eftir um það bil korter er slegið á öxl bílstjórans og er það aftur litla, gamla konan og spyr hann hvort hann vilji fá eina handfylli af hnetum í viðbót.
Hann tekur tilboðinu og nýtur þess að borða hneturnar sínar. Þetta endurtekur sig fimm sinnum þangað til bílstjórinn spyr litlu, gömlu konuna að því hvort hún og hinar eldri dömurnar vilji ekki heldur sjálfar borða hneturnar sínar.
"Við getum ekki borðað þær, því við höfum ekki tennur til þess" svarar hún.
" En afhverju kaupið þið þær þá???" spyr bílstjórinn forviða. "Jú sjáðu til; við elskum nefnilega súkkulaðið sem þær eru húðaðar með" svarar litla, gamla konan.

Þangað til næst

Kveðja Drífa

Áfram með smjörið

2007-10-29T21:25:00.000Z

Ég verð víst að halda áfram þar sem ritstíflan brast, já áfram með smjörið. Rakst á frétt á mbl.is þar sagt er frá störfum lögreglunnar á höfðuborgarsvæðinu þ.e. að ökumaður hafi verið stoppaður með barn í framsætinu en reyndar með beltið spennt, je það reddar málunum eða þannig. Ég var ekkert svakalega hissa á þessu þar sem ég horfði uppá slíkt hátterni dag eftir dag við leikskólann þar sem ég vann, en ég verð alltaf jafn reið. Hvað veldur því að fólk gerir þetta. Nennir það virkilega ekki að setja barnið aftur í bílstólinn og spenna á það beltið. Þvílík leti segi ég nú bara og megi þeir skammast sín sem þetta stunda.
Þangað til næst
Kveðja Drífa

Þetta er nú ekki hægt

2007-10-23T20:43:00.000Z

Hvernig er hægt að vera haldinn ritstíflu svona lengi, ég bara spyr. Þetta á við hvort sem er þessa ágætu síðu eða lokaverkefnið mitt í háskólanum, grrrrrrrr.

En þrátt fyrir það hefur ýmislegt verið að gerast í lífi mínu. Mamma og pabbi, Lilja sys, Valdi og börnin komu á miðvikudaginn í heimsókn og fóru aftur á sunnudag. Tilefnið var 65 ára afmæli föður míns sem segir mér að ég sé að nálgast 35, í apríl á næsta ári. Til hamingju með afmælið pabbi :o) Við gerðum okkur glaðan dag, elduðum góðan mat, drukkum írskt kaffi og dönsuðum á eftir við undirspil hinnar ágætu hljómsveitar Dans á rósum frá Vestmannaeyjum. Skellti hér einni mynd af mömmu og pabba sem var tekin í sumar á Hríseyjarhátíðinni.
Fjölskyldan stækkar því Óli Brynjar frændi eignaðist son þann 20 október og þar með fengu Oddný systir pabba og Ingvar hennar ekta maður titilinn "Amma og Afi", Til hamingju með titilinn.

Þangað til næst

Kveðja Drífa

Hvað er í gangi?

2007-09-26T21:42:00.000Z

Ja hérna, það er langt síðan ég pikkaði inn einhverjar línur á þessa ágætu síðu. Hvað verldur? Hrikalega margt en stundum hefur maður bara ekkert að segja eða allavega vill ekki segja það hér á veraldarvefnum og hana nú.
Það hefur ýmislegt drifið á daga mína síðan síðast og má þá helst nefna óvissuferð með starfsfélögum mínum, matarboð með starfsfélögum Ómars og svo árgangsmót með mínum ágætu bekkjarfélögum frá Vestmannaeyjum. Það má segja að það hafi verið gaman að hitta allt þetta fólk sem maður ólst upp með og fyndið hvað allir eru í raun eins og þeir voru hér í denn, enginn breyst neitt mikið nema kannski nokkrum hárum færri á höfðinu eða nokkrum kílóum fleiri um mittað. En nóg um það.

Hér má sjá sigurvegarana í sjóstöng í óvissuferðinni okkar ásamt þeim gula

Þangað til næst
Kveðja Drífa.

Er ekki kominn tími til að tengja.....

2007-09-07T22:46:00.000Z

Komið sæl og blessuð sem leið sína leggja á þessa ágætu síðu. Nú erum við flutt í Vanabyggðina á Akureyri og erum að koma okkur fyrir. Það er ekki frásögu færandi en við höfum nú búið hér í viku og fengum nettenginguna hjá Símanum í dag, já viku eftir flutninginn (sem átti að gerast á næstu 3 dögum) og jú það er árið 2007. Það var nú samt broslegt þegar ágætis kona hringdi hér í fyrra kvöld og bauð okkur aukna þjónustu hjá símanum sem byggðist á einhverju sem ég veit ekki hvað var, en...... við báðum hana vinsamlegast að koma því til skila að í stað þess að bjóða okkur eitthvað nýtt þá þætti okkur væntum að þeir hjá Símanum gæfu sér tíma til að sinna því sem við þegar bíðum eftir og höfum verið í ákrift með undanfarin ár þ.e. nettengingu okkar ágæta heimilis. En allavega, hér er ég komin aftur og mun vonandi verða dugleg í vetur að halda glæðum í þessari síðu.

Þangað til næst
Kveðja Drífa

Til að segja eitthvað

2007-08-29T23:31:00.001Z

Þangað til næst

Kveðja Drifa

Sorg og gleði

2007-08-27T22:08:00.000Z

Einhvernveginn virðist vera að fréttir af slysum og hörmungum, hvort sem er hér á landi eða úti í heimi, séu að hellast yfir mann þessa dagana nema ég sé eitthvað viðkvæmari en ella. Hörmungar á borð við bílslys, hitabylgjur, flóð, fólk í sjálfheldu á hálendinu, verðbólga, gengishrun og fleira umleika fréttatímana svo maður verður hálf þunglyndur og finnst lífið hálf vonlaust. Það koma þó gleðifréttir inn á milli s.s. 700 milljóna króna hagnaður af rekstri Smáralindar :o+ og fleira í þeim dúr.

Allt er vitlaust vegna reykinga og ekki-reykinga og Íslendingar þurfa að fara að hugsa sig um hvað varðar drykkju og ólæti í miðborg Reykjavíkur. Sumir kennarar setja kröfur um námstæki sem kosta of-fjár, einhverjir unglingar keyra á ofsahraða meðan aðrir bílstjórar eru teknir oft sama daginn fyrir ölvunarakstur. Já það er magt sem landinn þarf að hafa í huga og spurning hvort ekki sé hægt að halda hlýðni-námskeið til að koma í veg fyrir slíkar uppákomur. Spurning að tala við Óla Pálma :o)

En það er ekki nóg með að drykkja og reykingar séu að valda skaða heldur eru menn farnir að koma fyrir slysagildrum þ.e. gosbrunnum með járnbútum í botninum svona til að koma í veg fyrir að menn fari að baða sig á óæskilegum tíma í miðbæ Keflavíkur.

En svona að lokum dömur:
As we grow older women gain weight. This happens because we accumulate a lot of information in our heads.

Þangað til næst

Kveðja Drífa

Allta að gerast !

2007-08-23T23:01:00.001Z

Hér er allt að gerast enda ég byrjuð að vinna á Akureyri og Eygló var að byrja í Brekkuskóla. Hún var bara brött eftir fyrsta daginn sem betur fer og vonandi á þetta eftir að ganga eins og í sögu. Það er bara fjör í vinnunni, fullt af börnum og nýju starfsfólki, svo okkur leiðist ekki. Það verður samt gott að flytja svo ég þurfi ekki að vakna sex til vinnu og koma okkur inn á Akureyri. Ég flyt semsagt næstu helgi svo það verður gott að taka upp úr kössunum og koma sér fyrir í sinni eigin íbúð. Annars er ég að hugsa um að hafa bara bílskúrssölu þar sem dótið hefur verið í nokkrar vikur í kössum og ég er í raun ekkert farin að sakna neins :o)

En best að fara að halla mér svo ég vakni í ferjuna
Þangað til næst
Kveðja DRífa

Að ganga í skólann

2007-08-17T12:41:00.000Z

Rakst á grein í Fréttum um hversu langt er fyrir börn að ganga til skóla (yfir 7-9 gatnamót) sökum sameiningar Barnaskóla Vestmannaeyja og Hamarsskóla. Ég verð nú að viðurkenna að ég sé ekki hver hagræðingin er að aldursskipta skólunum eins og ákveðið hefur verið að gera en manni er greinilega ekki alltaf ætlað að skilja stjórnarmenn þegar kemur að hagræðingu til að koma á sparnaðaráætlunum. En burt séð frá því þá fór ég að hugsa til baka, þegar ég gekk í Barnaskóla Vestmannaeyja, hversu langt ég þurfti að ganga og yfir hversu mörg gatnamót.

Dæmi 1: Frá Búastaðarbraut, yfir Helgafellsbraut (1), út Túngötu, Yfir Kirkjuveg(2), Yfir Skólaveg(3) komin í skólann

Þó svo gatnamótin hafi verið fá til skóla voru þau mun fleiri þegar koma að skólagreinum á borð við sund og leikfimi, auk tómstunda á borð við handbolta, sund, fótbolta, frjálsar osfrv. Þá var lengra fyrir mann að fara úr Austurbænum sérstaklega þegar æfingar voru orðnar að minnsta 10-15 sinnum í viku meðan maður var enn að sprikla í öllu og hafði ekki ákveðið hvaða íþrótt maður vildi fremur annarri.

Dæmi 1: Frá Búastaðarbraut, yfir Helgafellsbraut (1) út Túngötu, út kirkjuveg, yfir Heiðarveg(2), yfir Hólabraut (3), Yfir gangbraut á Kirkjuvegi (4) Yfir gangbraut á Illugagötu (5) Niður göngustíg að íþróttahúsi

Dæmi 2. Frá Búastaðarbraut, yfir Helgafellsbraut (1) niður Birkihlíð, Yfir Kirkjuveg (2), út Hvítingaveg, yfir Skólaveg (3), út Brekastíg og upp og yfir Vallargötu (4), ú Bessastig, yfir Boðaslóð (5), yfir Heiðarveg (6) yfir Hólagötu (7) Yfir Brimhólabraut og þar gekk maður göngustíg og svo yfir Illugagötu (8) og þá var maður loksins komin á leiðarenda.

Það var jú stutt fyrir nemendur í Hamarskóla í skólann og í íþróttir, heppin þau. Ég man líka þá tíð þegar maður þurfti hálf að hlaupa frá Barnaskóla í íþróttamiðstöð og svo til baka til að ná á réttum tíma í skólann aftur.

Þó svo hreyfing sé góð fyrir alla þá skil vel að foreldrar yngri barna séu vonskviknir yfir þessari breytingu enda langt fyrir barn sem er að hefja skólagöngu sína að ganga Austast úr bænum og mæta í Hamarskóla. Ég veit að dóttir mín hefði þurft að leggja í-ann klukkan 07:00 til að ná fyrir átta í skólann sökum þess að hún var í 35 mínútur að ganga frá Hásteinsblokk í Barnaskólann þar sem hún þurfti að ganga yfir tvær umferðargötur og fór að sjálfsögðu ekki yfir fyrr en hafði gengið í skugga um að allir bílar væru farnir svo hún lenti ekki undir þeim.

Vona að allar þessar breytingar eigi eftir að gleðja íbúa í Vestmannaeyjum og það eigi allir eftir að verða sáttir á endanum, hvort sem þeir ná fram skólabíl eður ei.

Gangi ykkur allt í haginn

Þangað til næst

Kveðja Drífa.

Börn og leikföng

2007-08-16T04:13:00.000Z

Varð nú að skrifa nokkrar línur fyrir svefninn, er enn í fríi ef einhver er að spá í tímasetningu þessara skrifa og var að undirbúa barnaafmæli sem verður haldið á morgun. Hef semsagt verið að dunda mér við að búa til Svamp Sveinsson í kvöld auk þess að sinna gestum og gangandi. Ég fékk smá löngun til að skrifa nokkrar línur sökum frétta í kvöld.

Fjallað var um afturköllun á leikföngum sem máluð hafa verið með einhverju efni og innihalda segla sem ekki eru vottaðir og eru taldir hættulegir börnum ef ég skil þetta rétt. Fréttamaður spurði eftirlitsfulltrúa okkar Íslendinga um málið: Hvaða afleyðingar getur þetta haft á börnina. Okkar kona svaraði eitthvað á þessa leið " það er mjög hættulegt ef barn hefur borðað mörg stykki en afleyðingarnar eru þær að ristillinn fellur saman og svo fram vegis.......
Það er nú hægt að misskilja þetta en börn borða ekki mörg stykki af leikföngum enda borða þau sem betur fer ekki leikföng heldur sleikja þau eða naga. Hún hefði mátt orða þetta betur blessuð konan því hún er sjálfsagt að tala um þessa tilgreindu segla því ég hef unnið í leikskóla í 10 ár og ekkert leikfang, hvað þá mörg, hefur verið étið í minni leikskólatíð og á vonandi aldrei eftir að verða.

Þangað til næst
Kveðja Drífa.

Búið í kössum

2007-08-15T17:06:00.000Z

Nú er allt að verða komið í kassa og á bretti í geymslu því senn líður að flutningi. Við fórum með yngri dömuna í heimsókn í Brekkuskóla í dag þar sem við innrituðum hana og hún fékk að hitta kennarann sinn og skoða skólann. Okkur líst bara vel á þetta allt saman og Eygló var bara nokkuð brött þó svo henni finnist svolítið erfitt að fara frá krökkunum í Hrísey. En við erum ekki að fara langt og eigum öruggleg eftir að vera með annan fótinn hér i eyjunni hjá ömmu og afa.

Var að lesa Fréttir og sá að fyrsta lundapysjan er komin til byggða. Það var nú gaman í denn þegar maður var allar nætur hlaupandi eftir þessum litlu kvikindum til að henda þeim í sjóinn daginn eftir :o)

Svo rakst ég líka á mynd af þeim hjónum Magga Kristins og Lóu á nýju þyrlunni sinni, ekki leiðinlegt það. Ég ætla nú að nefna það við árgangsmóts-nefndina hvort það verði ekki bara samið við Magga um að sækja árgangsmeðlimi til okkars heima á þyrlunni til að auðvelda okkur að koma. Það væri ekki leiðinlegur ferðamáti í stað þess að veltast um með dallinum í þrjá tíma

Þangað til næst

Kveðja Drífa

Ný búin að fermast eða hvað?

2007-08-14T02:18:00.000Z

Var að frétta að halda ætti árgangsmót hjá mínum skemmtilega gos-árgangi í Vestmannaeyjum, hinum eina sanna 1973. Mér er sagt að það séu 20 ár frá fermingu okkar sem getur nú bara varla staðist, hlýtur að vera einhver misskilningur :o)
Ég hef reyndar ekki fengið bréf frá nefndinni ennþá, sem mér finnst skrítið, en ég trúi varla að ég hafi gleymst. Ég er nú reyndar búin að vera í einangrun í Hrísey í rúm 9 ár, en come on.
En allavega þá verða herlegheitin haldin í lok september og auðvitað mætir maður hvort sem fólki lýkar betur eða verr :o)
Hafdís vinkona og fleiri klárar tátur úr árgangnum hafa búið til heimasíðu sem er frábært framtak, til hamingju með þetta dömur. Endilega kíkið á síðuna og sjáið hvaða skemmtilega fólk er fætt þetta herrans ár 1973 í Vestmannaeyjum.
Þangað til næst
Kveðja Drífa

Úr sælunni í daglegt amstur

2007-08-11T20:22:00.000Z

Nú erum við fjölskyldan komin heim frá Spáni og áttum við þar yndislega daga í hita og svita :o) í tvær vikur en nú tekur daglegt amsur við af sæludögum á sundlaugarbakkanum með sangríu og bjór í ermalausum bol. Það var að sjálfsögðu ýmislegt brallað á Spáni, skellt sér í Terramitica, tívolígarðinn, farið í vatnagarðinn, Aqualand, mundomar-dýragarðinn og svo til Altea sem var mjög skemmtilegt. En mestur tími fór samt í sólböð, sjóböð, mat og drykk svo nú þarf að taka á málunum :o) sem er bara gott mál. Flutningar eru nú yfirvofandi svo það þarf að bretta upp ermar og reyna að ganga frá sem mestu næstu viku því mánudaginn 20. ágúst byrja ég að vinna á Akureyri sem verður spennandi.

En ein mynd að lokum fyrir ykkur.

Sumir komust í Spánar - gírinn á fyrsta degi eins og sjá má :o)

Þangað til næst
Kveðja Drífa

Sumarfrí, sumarfrí, sumarfrí-í-í

2007-07-24T01:50:00.001Z

Nú er Hríseyjarhátíðin liðin og ég komin í sumarfrí, jibbý. Eins og börnin eru nú yndislegt þá er nauðsynlegt fyrir alla að komast í sumarfrí, bæði börn og starfsfólk. Það var erfitt að kveðja dúllurnar mínar á föstudaginn en ég á eftir að heimsækja þau áður en ég flyt úr eyjunni.

Hátíðin gekk slysalaust fyrir sig, að mínu viti, og ég var bara ánægði með minn þátt í skemmtuninni. Óvissuferðin gekk vel og flestir sáttir við það sem var í boði, sigling, Mangús og Eyjólfur, Kaldi og Björgvin Franz. Ég plataði hana Eyrúnu sem var í ferðinni til að senda mér myndirnar sínar, endilega kíkkið á þær.

Á sunnudeginum ákvað ég að vera með andlitsmálun sem börnunum þótti ekki leiðinlegt en á spjalli mínu við börnin spurði ég eina stúlku : Ertu í tjaldferðalagi hér í Hrísey? Stúlkan svaraði því neitandi svo ég spurði aftur: Ertu þá að gista hér hjá einhverjum? Nei svaraði stúlkan svo ég ákvað að leiða samræðurnar út á önnur mið þegar stúlkan sagði: ég er sko í fellihýsi!!

Já Drífa mín, tjald er ekki það sama og fellihýsi, come on :o)
Þangað til eftir frí
Kveðja Drífa.

Hátíð í bæ

2007-07-18T19:16:00.000Z

Jæja nú er komið að hinni árlegu fjölskylduhátíð í Hrísey. Við hjónin erum nú ekki í nefndinni en við höfum tekið að okkur ákveðin verkefni enda mikilvægt að allir séu þátttakendur. Ég mun sjá um óvissuferðina í ár, ásamt mínum ektamanni og tveimur skemmtilegum karakterum hér í Hrísey. Óvissuferðin hefur fest í sessi enda alltaf skemmtilegt að fara á vit ævintýranna. Auglýsingin fyrir óvissuferðina er að finna hér og endilega skellið ykkur með.
Það er gaman að segja frá því að mamma og pabbi komu til okkar í gær og ætla að eyða helginni hér í Hrísey, alltaf gaman að fá hjónakornin í heimsókn en við hittumst allt of sjaldan enda langt að fara frá eyjunni í norðri til eyjunnar í suðri og öfugt.
Nú er að koma að því að ég hætti störfum í leikskólanum í Hrísey :o( og eru aðeins 2 dagar þar til ég þarf að kveðja börnin, það verður erfitt. En ég fer á nýjan vinnustað, Leikskólann Kiðagil, þar sem er fullt af börnum:o) og hlakka ég til að takast á við það verkefni. Við erum farin að pakka á fullu, stilla upp og gera klárt, og ætlum að flatmaga á ströndum spánar í tvær vikur nú á næstunni :o) Ekki leiðinlegt það.

Það er best að ljúka þessu þar sem ég hef ekkert að segja. Ég las reyndar að hann Lúkas væri bar alls ekki látinn, þrátt fyrir minningarathafnir nær og fjær, sem er gott mál. Já það er stundum betra að hafa orðin færri
Þangað til næst
Kveðja Drífa

Afmæli dag eftir dag

2007-07-15T22:29:00.000Z

Ég hef ekki nennt að blogga um helgina enda verið að pakka niður og verið á mannamótum. Það hefur lítið gerst um helgina nema hvað að mikið er um afmæli í kringum mig. Brói átti afmæli þann 12 júlí og auðvitað gleymdi ég að óska honum til hamingju svo ég þurfti að hringja í hann aftur, einum 45 mínútum eftir að ég talaði við hann. Ég man oftast nær ekki afmælisdaga og bið því alla, hér með, að fyrirgefa mér ef ég óska þeim ekki til hamingju með daginn.
Helena og Sveinbjörn buðu okkur í mat á föstudagskvöldið þar sem frúin bauð upp á gómsæta fiskisúpu og hvítvín til að skola henni niður með og svo var malað eitthvað frameftir. Laugardagurinn fór í að pakka niður, skella mér í klippingu og svo var mér boðið í smá heimboð þegar líða tók á kvöldið sem var mjög gaman.

En ég mundi eftir afmæli dótturinnar :o) þann 13. júlí þó svo hún hafi ekki verið heima. Nú er hún orðin 16 ára daman og fer að læra á bíl fljótlega (oh. mæ god)

Mér finnst svo stutt síðan hún Guðný var bara pínu kríli

Hér voru sumar reyndar ekki mjög ánægðar eins og sést.

En til hamingju með daginn Guðný mín með árin 16.

Tíminn líður hratt og hann Ómar minn á afmæli á morgun þann 16. júlí og ég man bara ekki hvað hann er gamall, alveg stolið úr mér :o)

Hann leit allavega einhernveginn svona út þegar hann var ungur. Hann hefur aðeins breyst en ekki svo mjög ..... hahah

Jæja það er best að hætta þessu rugli en Kristín vinkona á afmæli þann 18. júlí og tengdamamma þann 22 svo það er nóg að gera í ömmulum þessa dagana.

Þangað til næst
Kveðja Drífa

Göng eða ekki göng

2007-07-10T23:57:00.000Z

Það vildi svo til að ég var að vafra um veraldarvefinn og datt inn á blogg nokkurra einstaklinga frá Vestmannaeyjum, mínum kæru. Það eina sem komst að í þessum bloggum var göng milli lands og eyja sem vakti mig til umhugsunar. Er það virkilega það sem fólk vill, að fá göng??

Ég bý á Eyju og líkar vel þó svo ég sé reyndar að fara að færa mig um set sökum þess að við töldum tímabært að sækja á önnur mið. Ég mundi ekki vilja sjá mig né aðra af fastalandinu fá sér rúnt út í Hrísey í tíma og ó-tíma enda vil ég ekki sjá alla þessa bíla hér sem hafa tvöfaldast ef ekki meira síðustu ár. Það eru bílar hér á ferðinni með þreytta eigendur innanborðs, á aldrinum 20-40 ára, en 60-80 ára ferðast um fótgangandi, eru greinilega orðnir nægilega þroskaðir.

Ég veit ég get ekki sett = merki milli Hríseyjar og Vestmannaeyja þar sem Sævar er aðeins 15 mínútur að koma manni milli staða meðan að Herjólfur gamli er 2 tíma og 45 mínútur að dóla þetta. En er fólk búið að hugsa málið hvað breytist við að fá göng. Það verður stuð á þjóðhátíð, pæjumóti, pollamóti, goslokahátíð og fleiri skemmtunum þegar bílalestin verður frosin í miðjum göngum sökum fjölda, eða hvað? Og hvað með gatnakerfið, er það tilbúið að takast á við þá bílaumferð sem mun skapast? Flutningabílar hlykkjast í göngunum, rútur með sjóveika ferðalanga sem loksins treysta sér til okkar fögru Vestmannaeyja svo eitthvað sé upptalið.

Nei þetta eru nú bara vangaveltur mínar um þessi göng því mér finnst Vestmannaeyjar, eins og Hrísey, eigi að halda í þá sérstöðu að vera Eyja. Margir Eyjaskeggjar fara svo margar ferðir á fastlandið að maður hugsar stundum hvers vegna það fólk flytur hreinlega ekki til byggða í stað þess að veltast þetta fram og til baka.

Nú er ég örugglega búin að gera einhverja kolvitlausa með þessum ó-ábyrgu skrifum mínum en ég held það vanti að fólk staldri aðeins við og hugsi hvað það vill í raun og veru lifa við. Er ekki kominn tími til að slaka á og njóta þess sem Eyjan hefur að bjóða (ef vilji er til að búa þar) í stað þess að sækja stíft á önnur mið. Ég man þá tíð sem maður fór með dallinum um helgar til að keppa í íþróttum en annars var maður bara heima hjá sér, fór mestalagi í sumarfrí út fyrir hafnargarðinn. Nú eru íþróttamótin svo mörg, tjaldvagnar á hverjum krók, utanlandsferðir á hverju strái sem veldur því að það eru ekki nægur tími til að sinna öllum hugðarefnum fjölskyldunnar svo allir séu sáttir.

Eru gerviþarfir farnar að spila of stórt hlutverk í lífi okkar.

Stöldrum við og njótum augnabliksins.

Þangað til næst (vonandi)
Kveðja Drífa

Fimm stig í lífi kvenna

2007-07-06T15:41:00.000Z

Á hvaða stigi ert þú?????

To grow

To fill out

To slim down

To hold it in

to hell with it :o)

Þangað til næst
Kveðja Drífa

Tilfinningar

2007-07-04T19:27:00.000Z

Ég er svo heppin (að mínu mati ) að vera fædd í hrútsmerkinu og var störnuspáin mín í dag eitthvað á þessa leið:

Haltu þig við eigin tilfinningar og skynjun. Leitaðu að þínum sönnu hvötum, markmiðum og áhugamálum sem bæta samskipti þín og gagnkvæma virðingu í sambandi sem tengist þér og mundu að þú hefur fullan rétta á tilfinningum þínum. Tilfinningar eru staðreyndir og er fólk sem borið er í heiminn undir stjörnu hrútsins minnt á þá staðreynd þessa dagana af einhverjum ástæðum.

Það er nú gott að ég hef fullan rétt á öllum þessum tilfinningum sem eru að brjótast um í mér :o) Ég hef nú reyndar ekki á í vanda með að tjá mig um þær í gegnum tíðina eins og þeir sem mig þekkja vita.
Þar sem við fjölskyldan erum á útleið nú fljótlega datt mér í hug að það væri ekki vitlaust að ég fengi mér sundbol eins og þennan til að gleðja augu fólks á sundlaugarbakkanu, þannig gæti ég leitt augu fólks frá frjálslega vöxnum líka mínum eða..... kanski mundi það virka öfugt.
En sökum kulda ákvað ég að skella þessari mynd hér inn. Vissuð þið þetta?

Smellið á myndina

Þangað til næst
Kveðja Drífa

Helgin liðin

2007-07-03T01:31:00.000Z

Skellti mér með fjölskylduna í útilegu í Vaglaskóg sem var bara mjög fínt. Veðrið var náttúrlega geggjað og ferðafélagarnir líka sem segir allt sem segja þarf. Var að setja inn myndir frá ferðinni inn á myndasíðuna mína fyrir þá sem hafa áhuga.
Í dag var þokuslæðingur og skítakuldi framan af degi. Ég verð nú að segja að ég hlakka til að fara í sumarfrí sem hefst eftur 3 vikur en þá ætlum við fjölskyldan að bregða okkur erlendis og sleikja sólina ef hún verður ekki búin sökum hitabylgju víða :o)

Jæja það er best að hætta þessu röfli og fara að sofa. Ég fann þessa skemmtilegu mynd þegar ég var að taka til í tölvunni, gömul en stendur fyrir sínu.

Þangað til næst

Kveðja Drífa

Á faraldsfæti

2007-06-28T23:28:00.000Z

Nú á að bregða sér frá um helgina svo ég ákvað að setja hér nokkrar línur áður en ég legg af stað.

Ég las fréttina um hundinn Lúkas og verð nú bara að segja nokkur orð svona til að létta á mér fyrir svefninn. Hvað býr að baki slíkum verknaði spyr ég en veit jafnframt að enginn getur svalað forvitni minni enda væri sá hinn sami sjálfsagt nú þegar að vinna hörðum höndum að því að bæta heiminn og frelsa þá illu.

Það vill svo til að í heiminum er slatti af mannvonsku sem beinist að dauðum hlutum annars vegar og svo lifandi hinsvegar. Það er sárt þegar fólk missir veraldlega muni sem þeir hafa haft fyrir að eignast en mannvonska beinist því miður oftar en ekki að lifandi verum hvort sem um er að ræða menn eða dýr sem ekki er hægt að bæta.

Við heyrum regluleg fréttir utan úr heimi þar sem saklausir einstaklingar verða fyrir hrottalegum árásum, ofbeldi, þjóðarmorðum og níðingum af ýmsu tagi. Stundum held ég að maður sé að verða hálf tilfinningalaus, sökum daglegrar umfjöllunar í fjölmiðlum um hræðilega viðburði, þó svo tár eigi til að renna við áhorf á slíkar fregnir.

Hvað varðar ofbeldi á dýrum þá er ekki langt síðan sýndar voru myndir í Kompás þar sem maður er að berja á hesti og núna les maður um illa meðferð á hundi. Eitthvað hljóta einstaklingar sem framkvæma slíkan gjörning að eiga bágt og líða illa.

Umræðan á netinu hefur snúist upp í hótanir og margt verra sem mér þykir miður enda mikilvægt að fólk passi hvað það segir á þessum ágæta miðli því orð geta sært jafnt og laus höndin. Ég votta eiganda hundsins samúð og vona að gerendur í þessu máli fái makaleg málagjöld.

Nú hef ég létt á hjarta mínu og blessuð sé minning Lúkasar.

Þangað til næst

Kveðja Drífa

Vindsperringur

2007-06-25T20:03:00.000Z

Það var vindsperringur hér norðan heiða í dag sem var í sjálfu sér ágætt því þá gerði maður eitthvað af viti innan dyra. En burt séð frá húsverkum og öðrum verkjum :o) þá rakst ég á þessa skemmtilegu mynd á síðunni hennar Gunnlaugar frænku.
Það er skemmst að segja frá því að þegar ég sá þessa ,mjög svo skemmtilegu, mynd þá datt mér við hjónin í hug en við erum einmitt á leiðinni utan í júlí.

Búin að hlæja? þá skulum við víkja að öðru.

Það hefur verið lítil hreyfing í bókum á náttborðinu hjá mér en ég viðurkenni reyndar að vera löngu búin að lesa þær bækur sem hér hafa verið skráðar í langan tíma. Ég skellti ágætri bók á náttborðið nú á dögunum reflective teaching eftir Andrew Pollard í þeirri von að hausinn á mér taki við sér hvað varðar lokaritgerð í meistaranáminu, það má alltaf reyna ekki satt
Ég rakst á frétt um mosaeld sem rekja má til sígarettustubbs, sorglegt það. En þar sem hvergi má reykja (og ég dauðfeginn að vera hætt sökum þessa) gæti farið svo að slysum af þessu tagi fjölgi þar sem reykingafólk dvelur nú utandyra mestan hluta frítíma síns til að svala þörf sinni, eitthvað verður undan að láta, eða hvað?

En svona án gríns, drepið í sígarettunum á öruggum stað. Mér finnst alltaf leiðinlegt að sjá lítil, forvitin, börn tína upp sígarettustubba af götunni ojjjjjjj, og svo að lokum þá dettur mér laglína í hug

"af litlum neista verður oft mikið bál".

Þangað til næst
Kveðja Drífa

Komin niður af Kræðufelli

2007-06-25T02:16:00.001Z

Vildi bara láta vita að ég er komin niður af Kræðufelli, heil á húfi :o) Skrapp bara í hraunið í bústaðinn á föstudaginn og lá þar í leti um helgina. Gönguferðin var dásamleg, hófst klukkan 21:00 og lauk um klukkan 02:00. Fór til Elfu þar sem einn ískaldur beið ísskápnum og að lokinni hreingerningu á líkama og sál fékk að halla mér þar til klukkan 06:15 en þá þurfti ég að haska mér í föt og koma mér út á sand til að taka ferjuna til vinnu. Stuttur svefn þessa nóttina en ég bætti það upp í hrauninu enda skítakuldi allan laugardaginn svo það var legið í leti, farið í kaffi til Höllu Gríms og fjölskyldu auk þess að renna í Mývatnssveit svona til að eyða deginum. En nú erum við fjölskyldan komin heim í heiðardalinn og segjum bara góða nótt.

Þangið til næst
Kveðja Drífa

Bleikt skal það vera

2007-06-19T22:58:00.000Z

Kvenréttindadagurinn er í dag en á þessum degi árið 1915 fengu konur kosningarétt, til hamingju með daginn konur. Sem betur fer hefur margt breyst í áranna rás en það er mikilvægt að minnast þessa atburða svo ungar konur líti ekki á það sem þær hafa sem sjálfsagðan hlut. EN nóg um konu þetta og konu hitt.

Dagurinn hófst með þoku en síðan létti til þegar leið á daginn. Að loknm vinnudegi arkaði ég út að Borgarbrík og truflaði á leiðinni kríur sem voru ekki svo mjög glaðar. Þær fylgdu mér áleiðis en þá tóku mávarnir við og eru þeir mun vinalegri að mínu mati. Það var náttúrlega dásamlegt að arka upp á eyju í þessu geggjaða veðri sem var komið seinni partinn.

Á leið minni hitti ég nokkra ferðamenn á stangli og brostu þeir út að eyrum sem er ekkert skrítið enda alltaf gaman að hitta mig. Hjón gáfu sig á tal við mig við Yggdrasil (listaverkið upp á eyju) og spurðu mig hvað þetta væri eiginlega, það liti út fyrir að hér hafi geimveruru verið á ferð. Ég stoppaði nú við og sagði þeim frá þessu ágæta verki og sagði það hafa vissan tilgang þó svo það líti ekkert svakalega vel út. Það er spurning að það verði sett skýring við þetta járnbrak svo fólk haldi ekki að það eigi á hættu að hitta geimverur bak við einhverja þúfuna.

Þangað til næst
Kveðja Drífa

Yggdrasil

Myndbrot

2007-06-19T01:17:00.001Z

Alltaf dettur mér í hug að brasa eitthvað fram á nótt en nú var það að búa til myndasíðu. Það eru væntingar mínar í kjölfar þessa almbúms að ég verði duglegri að taka myndir þar sem ég hef verið mjög ódugleg við það undanfarið.
www.123.is/drifa_thorarins

Njótið vel
Þangað til næst
Kveðja Drífa.

Þokuslæðingur

2007-06-18T23:35:00.000Z

Þá er helgin liðin og vinnuvikan að hefjast. Hélt það ætti að vera sól og blíða í dag en það var þoka og blíða í staðinn sem var bara ágætt.

Fékk mér samt dásamlega kvöldgöngu, arkaði gönguleiðina, með kríur sveimandi yfir höfði mér. Ekki mjög skemmtilegt það en ég reyni að láta þær ekki stoppa mig í að ferðast um eyjuna og er að vinna í að ná úr mér þessari fuglafælni sem ég þjáist af. Ég reyni því að líta björtum augum á fugla sem garga og ógna mér með lágflugi :o) Er einhver jákvæðari en þetta í dag.

Ástæða þess að ég arkaði út í kvöld er leti mín að undanförnu og gönguferð sem er framundan en ég ætla að fara í gönguferð með Ferðafélagi Akureyrar á fimmtudagskvöldið (Sumarsólstöður á Kræðufelli) en það mun vera 711 metrar og ætla ég að haska mig upp og veitir því ekki af smá þjálfun áður.

Ég fékk þá flugu í hausinn að fara að arka um eyjar, dali, skóga og fjöll fyrir tveimur árum og reyni að gera eitthvað í því á hverju sumri. Það er ágætt að fara með Ferðafélgögum í slíkar göngur eins og til dæmis þegar ég gekk á Mælifell í Skagafirði því maður getur lent í ógöngum þegar maður fer á eigin vegum eins og við lentum í þegar við fórum Garðsárdalinn og yfir Gönguskarð en við tölum ekki meira um það :o) Við erum allavega hér í dag ekki satt.

Þangað til næst
Kveðja Drífa.

Garðsárdalur

Kvennahlaup, sól og sumar

2007-06-17T00:03:00.000Z

Það ætlar að ganga illa hjá mér að skella inn línum hér reglulega en svona er lífið.

Í dag var blíða hér í Hrísey og því ekki leiðinlegt að skella sér í Kvennahlaupið en það voru ferskar konur sem létu sjá sig og sprettu úr spori svona um 3.5 km sem er bara gott. Það hefði verið skemmtilegra að sjá fleiri en það má segja að það hafi verið fámennt og góðmennt.

Á morgun eða réttara sagt í dag (12:08) er 17. júní og spurning hvað maður gerir í tilefni dagsins. Það verður víst engin hátíð hér í Hrísey, hef allavega ekki séð neitt auglýst því miður, svo maður skellir sér kannski í land til að fagna þessum ágæta degi.

Annars gengur lífið sinn vanagang. Fór á Brekku á föstudagskvöldið þar sem leikklúbburinn Krafla hittist og slúttaði leiksýningunni með pizzum og sýningu á myndbandinu. Það var náttúrulega skelfing að sjá sig á sviðinu enda röddin í manni svo skemmtileg á svona myndbandi.

Nú er ég farin að huga að því að taka til í skápum og pakka niður, einn kassi á dag kemur skapinu í lag er mottóið hjá mér þessa dagana, enda gott að vera búin með sem mest áður en við förum á Spán í júli.

Þangað til næst
Kveðja Drífa

Sjómannslíf sjómannslíf

2007-06-03T21:07:00.000Z

Þá er júní genginn í garð og sjómanadagurinn liðinn. Það þótti fréttnæmt að ekki yrði haldið upp á sjómannadag á Akureyri en þeir hafa gleymt að við í Hrísey erum Akureyri því hér fór fram skemmtun á laugardeginum, kaffihlaðborð og stórdansleikur í Sæborg um kvöldið, skemmtilegt það. En já hér er blessuð blíðan svo húsmóðirin í Hafnarfirði getur farið að koma norður í land enda spáir sunnan átt næstu daga. Mér þótti leitt að hún kæmi ekki til að berja Frú Lovísu augum enda gæti þetta verið fyrstu skref hennar til frægðar í leikslistinni ha ha ha.

En hér er allt að gerast hægt og sígandi, er búin að ráða mig í vinnu og mun byrja í lok ágúst. Guðný er að fara til Danmerkur á morgun í skólaferðalag. Hún var að fá einkunnir úr samræmdu prófunum og gekk þrusu vel, klár eins og mamma sín :o)

En nú ætla ég að hætta þessu röfli og fara að halla mér, svona bráðlega

Þangað til næst
Kveðja Drífa

Á ferð og flugi

2007-05-30T19:59:00.000Z

Það er brjálað að gera þessa dagana eins og sést á uppfærslum þessarar síðu, sem sagt ekkert að gerast hér en nú verður vonandi bót á því.
Ég hef verið að vinna með leikklúbbnum Kröflu og settum við upp sýninguna Hernám í Hrísey. Það er frásögu færandi að um 170 manns hafa sótt sýninguna sem er nokkuð gott í 170 manna samfélagi eins og Hrísey er. En allavega þá var ég að leika hana frú Lovísu og gekk þolanlega í sýningunum að ég held. En nú er aðeins ein sýning eftir svo að þeir sem vilja sjá frú Lovísu verða að skella sér í leikhús á föstudaginn klukkan 20:30.
Það er mikið um að vera hjá okkur fjölskyldunni. Við höfum ákveðið að flytjast til Akureyrar nú í sumar og yfirgefa okkar ágætu eyju. Dömurnar voru að ljúka skólanum í dag en það voru skólaslit í grunnskólanum í Hrísey. Guðný var að ljúka grunnskólanámi og Eygló var að ljúka skólanámi í Hrísey, allir að ljúka einhverju :o) Við höfum fest hendur á raðhúsi á Akureyri og atvinnumálin eru í vinnslu. Það kemur því í ljós á næstu dögum hvernig þetta verður allt saman hjá okkur.
Þangað til næst
Kveðja Drífa

Úr einu í annað, frá hægri til vinstri

2007-05-07T21:59:00.000Z

Þá er þessi dagur að kveldi kominn en það er svo bjart að maður getur bara ekki farið í rúmið enda vita flestir sem þekkja mig að ég færi aldrei að sofa klukkan 22:00. En nú var ég að koma af leikæfingu og er bara farin að finna mig svolítið í frú Lovísu :o) en svo kemur í ljós hvernig þetta tekst til.

Ég rak augun í bækurnar á náttborðinu og hugsaði með mér að það væri kominn tími til að endurnýja listann enda löngu komnar nýjar bækur, já komnar og farnar. Ég var eitthvað svo andlaus um daginn þegar ég fór á safnið enda deyja hugmyndir mínar að meistaraprófsritgerð jafnharðan og þær fæðast. Mig fýsti greinilega samt í einhvern fróðleik og tók bókina "Náttúrulækningar heimilisins" og spurnining hvort maður fari ekki bara að sjóða saman jurtir til að hafa eitthvað fyrir stafni. Svo til að efla þekkingu mína og dóttur minnar á myndlist tók ég bókina "Skoðum myndlist" og að lokum afþreyingu "Á undan sinni samtíð" eftir Ellert B. Schram. Svo nú vitið það.

Ég hef gaman af því að flakka um vefinn og lesa greinar eftir fólk, jafnt unga sem aldna, og rakst ég á þessa ágætu grein efitir Guðrúnu Jónsdóttur sem er á lista vinstri grænna í suðurlandskjördæmi. Það er hollt fyrir alla að lesa þessa grein því hún minnir okkur á hve upptekin við erum af veraldlgum gæðum og gleymum því mikilvægasta. Við gleymum nefnilega í hita leiksins að hugsa um okkar nánustu, að annast þá sem okkur þykir vænst um.
Endilega lesið greinina
http://www.eyjafrettir.is

Þangað til næst
Kveðja Drífa

Nú skal tekið á því

2007-05-06T15:49:00.001Z

Ég vaknaði í morgun og fyrsta hugsunin var að nú gengi þetta ekki lengur. Ég reif mig á lappir og fékk mér morgunmat, skellti mér svo í gönguskóna og gekk gönguleiðina á nokkuð góðum hraða. Að því loknu skellti ég grænmeti í pott sem hesthúsaði áður en ég ryksugaði og skúraði gólfið og fór svo í bað.

Ég settist stolt við tölvuna og hugsaði með mér að nú væri ég komin í gírinn og á næstu vikum yrði lifað eftir þessari formúlu: Hollt mataræði og hreyfing takk fyrir

Ég fór nú inn á netið til að fá nýjustu fréttir og fyrsta sem ég rakst á var Megrunarlausi dagurinn, nei reyndar eftir að ég las um páfagaukinn sem var bjargað undan hillusamstæðu á Akureyri. Það er gott að slökkvuliðið hefur eitthvað að gera.

Ég fékk vægt áfall og hugsaði með mér hvílík örlög þetta væru. Ég fór að sjálfsögðu inn á vef samtakanna eins og greinarhöfundur benti mér á og las:
Á þessum degi eru allir hvattir til þess að láta af viðleitni sinni til þess að grennast þó ekki væri nema í einn dag, og leyfa sér að upplifa fegurð og fjölbreytileika mismunandi líkamsvaxtar og sjá fyrir sér veröld þar sem megrun er ekki til, þar sem hvers kyns líkamsvöxtur getur verið tákn um hreysti og fegurð og mismunun vegna holdarfars þekkist ekki. http://www.likamsvirding.blogspot.com

Já hvers á ég að gjalda. Nú er spurning hvort ég leyfi mér að upplifa fegurð og fjölbreytilileika mismunandi líkamsvaxtar með því að líta í spegil eða reyni að líta á vakningu mína á jákvæðan hátt þ.e. ekki sé um megrun að ræða heldur viðleitni til að lifa hollustusömu líferni.

Þangað til næst
Kveðja Drífa

Spáin nokkuð góð eða hvað

2007-05-02T17:45:00.000Z

Þegar maður hefur ekkert að gera kíkir maður á stjörnuspá og athugar hvort eitthvað eigi eftir að birta til hjá manni eða hvort eitthvað eigi eftir að gerast. Ég hafði ekkert að gera nú rétt í þessu og spáin í dag segir mér að vinir mínir treysta á að ég hressi þá við. Ég er mjög gefandi við náungann og mikil heppni fylgir mér hvert fótspor næstu daga. Ég bý yfir meðfæddri bjartsýni og framleiði eigið sólskin þegar rignir. (spámaður.is)

Það er naumast!!!

Ég man nú ekki eftir að hafa hresst eitthvað meira upp á fólk í kringum mig í dag heldur en vanalega en ég hef nú reynt að vera örlítið gefandi svona eins og mér er unnt. Ég verð heppin næstu daga segir spáin og best að vera vel vakandi við hvert fótspor en nú skil ég hvers vegna sólin skein kringum mig núna seinnipartinn á meðan allir hinir voru rennandi blautir en samkvæmt spánni er ég farin að framleiða eigið sólskin. Sól sól skín á mig.......

Þangað til næst
Kveðja Drífa

Rúntað um í blíðunni

2007-05-01T21:58:00.000Z

Þetta var ágætist dagur í dag, gott veður, en ég eyddi honum í að þrífa :o) þarf víst að gera það líka. Restin af fjölskyldunni skellti sér á Akureyri og tók þar yngri dóttir þátt í 1. maí hlaupi og stóð sig með sóma og lenti í 4 sæti, frábært hjá henni. Að launum fékk hún pizzu, svala og verðlaunapening sem hún sýndi mér með stolti þegar hún kom heim. Sem betur fer komst hún í hlaupið því seint í gærkveldi uppgötvuðum við foreldrarnir of seint að 1. maí er "rauður dagur á dagatali" og panta þarf ferjuna fyrir klukkan 22:00 kvöldið áður ef maður ætlar í land klukkan 9:00. Þar sem við vorum of sein treystum við því að einhver hefði sýnt fyrirhyggju og pantað ferjuna en svo var ekki. Þar sem við höfðum lofað dótturinni að hún mætti taka þátt í hlaupinu voru góð ráð dýr og kom það því í hlut smábátasjómanns að ferja okkur í land og reyndar taka farþega til baka sem biðu á bryggjupollanum fyrir handan. Ég veit að 1. maí er frídagur en maður spyr sig hvort þetta þurfi að vera svona.
Við grilluðum gómsætan fisk í kvöld og buðum hjónunum og börnum úr Kelahúsi að snæða með okkur. Skrapp síðan á kröfluæfingu í klukkan 20:00 og var þar lesið yfir handritið sem er orðið bara nokkuð gott. Það er því skemmtilegur tími framundan en það var líka skemmtilegt á heimleiðinni að sjá allt þetta fólk á rúntinum í blíðunni hér í Hrísey. Já það er hægt að rúnta í Hrísey þótt ótrúlegt sé.
Þangað til næst
Kveðja Drífa.

Sitt lítið af hverju

2007-04-30T19:30:00.000Z

Það er langt síðan eitthvað hefur verið ritað hér en nú skal verða bót á því, en ég lofa samt engu. Það er ýmislegt um að vera hér í okkar ástkæru eyju og má þar nefna að leikfélagið er komið á fullt skrið og er stefnt á að sýna um Hvítasunnuhelgina. Verið er að leggja lokahönd á handritið og byrjað að lesa á fullu. Hernámsárin í Hrísey er efni sýningarinnar og hefur verið virkilega gaman að leggjast yfir heimildir um þann tíma.

Ég var að koma af íbúaþingi nú rétt áðan og var frekar skúffuð. Við í Hverfisráði mættum spennt með súpu og brauð fyrir 40 manns en eitthvað voru íbúarnir minna spenntir því lítið var um þá á fundinum. Varaformaður umhverfisnefndar Akureyrarbæjar og verkefnastjóri Staðardagskrár 21 komu á fundinn og voru með erindi um umhverfismál. Hverfisráð kynnti nýja útgáfu Staðardagskrá 21 fyrir Hrísey, þ.e. verkefnalistann fyrir árin 2007-2010, og síðan var opnað fyrir umræður. Fundurinn var mjög fínn og málefnalegur en það hefði verið skemmtilegra ef fleiri en 5 íbúar hefðu séð sér fært að mæta.

Það er best að ljúka þessu stutta erindi með því að nefna veðrið en það hefur leikið við okkur hér fyri norðan og er stuttbuxna-veður og sólarvörnin kemur sér vel þessa dagana

Þangað til næst
Kveðja DRífa

Komin heim í heiðar dalinn....

2007-03-26T18:30:00.000Z

Nú erum við fjölskyldan komin heim eftir ágæta borgarferð en það hefði kannski mátt hætta að rigna, þó ekki hefði verð nema í smá stund, þessa 5 daga sem ég dvaldi þar. En það er ekki hægt að panta veður í dag, ekki ennþá, en það verður örugglega hægt í framtíðinni.

Ég skrapp inn á Mbl.is þegar ég kom heim úr vinnunni og sá þar skondna frétt en jafnframt aðra sem ég veit að hefur ekki fengið ákveðna manneskju til að brosa.

Mús rænir hraðbanka finnst mér frekar skondin frétt en það sem verra er, hún át peningana í stað þess að eyða þeim í vitleysu eins og við hin. Músin náði kannski ekki miklum árangri sem þjófur en ekki heldur þjófurinn á Akureyri sem var nappaður fyrir þjófnað líkt og músin. Við frekari grennslan höfðu bæði músin og þjófurinn komið sér upp hreyðri, músin úr seðlum en þjófurinn úr plöntum, já svona er heimurinn skrítinn.

Ég veit að ein ákveðin kona verður ekki hrifin þegar hún sér auglýsingu um að hætta eigi að framleiða TaB nú á vordögum. Það er spurning um að fólk sem stendur henni nærst fari að safna TaB flöskum, þeim ágæta drykk, svo hún fái notið hans sem lengst.

Þanga til næst

Kveðja Drífa

Hann er einn af þessum frægu...

2007-03-19T22:30:00.000Z

Já svo hún Linda mín heldur að ég fari bara í keilu þegar ég er búin að ákveða að fara í leikhús, hélt hún þekkti mig betur en það :o)

Ég var að þvælast um morgunblaðsvefinn og skrapp inn á stjörnuspeki.is og þar var ýmislegt að finna, sumt merkilegt en flest ekki. Eitt sem hægt er að fá vitneskju um er hvort einhverjir frægir einstaklingar séu fæddir sama dag og maður sjálfur, ekki leiðinlegt að vita það. Ég er fædd á þeim merkisdegi, 16. apríl og beið spennt eftir niðurstöðum en þær voru nú ekki svo miklar því það voru aðeins 4 frægir fæddir þennan dag. Þetta voru niðurstöðurnar:

Einstaklingar fæddir 16. apríl:Ellen Barkin, leikkona, Sea of Love. Björgvin Halldórsson, söngvari. Drífa Þórarinsdóttir, leikkona, Illt til afspurnar. Charlie Chaplin, leikari & leikstjóri.

En þó þetta sé ekki mikill fjöldi þá virðist vera að fólk fætt þann 16. apríl séu mikið hæfileikafólk og þá sérstakleg hvað varðar söng og leik ha ha ha.

Þangað til næst
Kveðja Drífa

Dreifbýlistúttur í borgarferð

2007-03-18T23:06:00.000Z

Ákvað að segja nokkur orð svona til að hreyfa við þessari ágætu síðu hjá mér.
Þannig er að ég er að fara með leikskólastjórum Akureyrar og nágrennis í náms og kynnisferð til Reykjavíkur frá miðvikudegi til föstudags. Til að slá 2 flugur í einu höggi var ákveðið að restin af fjölskyldunni kæmi suður á föstudeginum og er ætlunin að eiga ánægjulega helgi saman í höfðuborg okkar ágæta lands.
Þegar þetta var ákveðið fengum við hjónin hugmynd um að skella sér í leikhús t.d. á Abbababb í Hafnarfjarðarleikhúsinu, Ronju Ræningjadóttur í Borgarleikhúsinu eða bara einhverja barnasýningu. Þó hugmyndin væri góð þá gekk þetta ekki upp þar sem nærri engar sýningar er að finna fyrir börn á föstudögum og laugardögum í okkar ágætu höfuðborg. Ég trúði þessu nú varla en því miður er þetta veruleikinn, dreifbýlistúttur í borgarferð geta ekki farið í leikhús með börnin nema á sunnudögum klukkan 14:00 eða 17:00 þegar það er komin tími á heimferð hjá flestum helgar-ferðalöngum.
Ótrúlegt en satt.

Þangað til næst
Kveðja Drífa

Tengsl og aftur tengsl

2007-03-13T23:50:00.000Z

Það er greinilegt að hægt er að finna tengsl á milli hinna ýmsu hluta og ekki hluta. Nú er sagt að tengsl séu á milli streitu og húðvandamála hjá unglingum. Þetta ætti að auðvelda t.d.kennurum og öðrum sem vinna með unglingum að sjá hvort þeir eru haldnir streitu og geta því brugðist strax við vandanum, halló!

Fyrirgefðu vina, ég sé þú ert með bólu á nefinu, er eitthvað að angra þig annað en þessi svakalega bóla.

En svona án gríns, það getur vel verið að það sé gott að vita tengsl á milli húðvandamála og streitu en ég held við vitum flest að streita hefur áhrif á líkamsstarfsemina eins og hún leggur sig og bara spurning hvort sú streita hefur áhrif á húðina, líffæri, eða veldur öðrum vandamálum s.s. svefnleysi, slappleika og hraðari öldrun. En nóg um það. Munið bara að faðmast og þá verður allt miklu betra :o)

En svona að endingu þá endileg kíkið á leikskólasíðuna okkar í Smábæ. Var eitthvað að reyna að breyta og bæta en spurning hvernig þetta endar. Ég er samt róleg yfir þessu og ætla því nú að fara að leggja mig og undirbúa mig fyrir verkefni komandi dags til að koma í veg fyrir frekari streitu.

Þangað til næst
Kveðja Drífa

Ekkert að segja

2007-03-11T23:00:00.000Z

Eitthvað hef ég lítið að segja þessa dagana, einhver lægð yfir mér greinilega eins og landinu öllu. Ég hef verið að dunda mér við að lesa hinar ýmsu bækur þó svo ég hafi gleymt að uppfæra bókina á náttborðinu. Það værin nú samt notalegt ef hún Linda kæmi hér eina kvöldstund og læsi fyrir mig nokkrar blaðsíður....

Ég er nú að lesa " Heima er engu öðru líkt" Mary Higgins Clark. Læt ykkur vita hvernig gengur

Ég fór að ráðum Lindu og fór í gegnum gamlar myndir af mér og fann þessa skemmtilegu mynd sem tekin var af mér á spáni og skellti henni að sjálfsögðu hér á síðuna.

Þangað til næst

Kveðja Drífa

Mynd fyrir mynd

2007-03-09T19:59:00.000Z

Ég hef verið að renna í gegnum myndirnar af mér og hef komist að því að engar myndir eru til af mér þar sem ég er venjuleg, hvernig sem það nú er :o)

Þegar ég renndi yfir myndirnar fann ég þessa glæsilegu mynd af okkur Lindu og Alla Bergdal sem var tekin þegar við létum sækja Lilju systir og Jóhönnu í ferjuna og fórum með þær í smá skemmtiferð um eyjuna og þessa fínu mynd af Ómari mínum og Ómari þínum líka.

Þangað til næst

Kveðja Drífa

Að sjá rautt

2007-03-05T22:00:00.000Z

Ég skrapp um daginn í leikhús og sá Prímadonnurnar í Freyvangsleikhúsinu http://www.freyvangur.net
Þetta var mjög skemmtileg sýning og var mikið hlegið. Ég hvet alla til að kíkka í sveitina á þessa skemmtilegu sýningu og létta lundina í skammdeginu.

Ég hef nú bardúsað ýmislegt síðan þá sem ykkur langar öruggleg ekkert að vita en ég verð að segja ykkur að ég fór í matarboð á laugardaginn og fékk dásamlega steik að hætti Kidda og Báru í Kelahúsi og var ekki svikin frekar en fyrri daginn.

Það eru alltaf einhverjar nýjar rannsóknir í gangi. Nú voru rannsakendur í háskólunum í Rochester og Munich að athuga áhrif rauðs litar á hugræna frammistöðu og komust að því að ef próftakar sjá svo mikið sem rauðum lit bregða fyrir muni það hafa marktæk áhrif á frammistöðu þeirra því þeir tengja litinn við mistök.

Munið það kennarar: Engan rauðan lit á prófum
.....ef þið óskið nemendum ykkar góðs gengis

Munið það nemendur: Ef það er rauður litur á prófinu
..... gæti kennaranum verið sama um ykkur

þangað til næst
Kveðja Drífa

Hrikalega erum við klár

2007-02-27T18:22:00.000Z

Tíminn flýgur áfram og nú er febrúar, sem mér fannst vera ný byrjaður, á enda. Hvernig endar þetta :o) Veðrið er þokkalegt hér norðan heiða þrátt fyrir svolítinn kulda og við gátum meira að segja farið út í dag án þess að vera í stórhættu við að anda. Já það er gott að búa í Hrísey á svona dögum.
En ég rak nefið í þennan skemmtilega texta:

Svmkmaæt rnsanókn við Cmabrigde hkóásla þá stkpiir ekki mlái í hðvaa röð stfiar í oðri eru, það enia sem stikipr mlái er að frtsyi og stíasði stinaurfn séu á rtéutm satð. Aillr hniir sfitarnir gtea vireð í aöljrgu rlgui en þú gtuer smat lseið það aðvuledlgea. Áæðsatn fiyrr þsesu er að mnnashgrniuun les ekki hevrn satf friyr sig hleudr oirðð sem hiled.

Þangað til næst
Kveðja Drífa

Að trúa skiptir máli og faðmlag ekki síður

2007-02-26T20:58:00.000Z

Ég renndi yfir moggann í dag og sá þar grein um það hve trúin getur haft mikil áhrif. Þá er ég ekki að tala um trú á æðri máttarvöld heldur trú á eigin getu.
Í Bandarískri rannsókn voru 90 börn tekin til athugunar en þau áttu það sameiginlegt að stærðfræðieinkunnir þeirra höfðu versnað. Nemendum var skipt í tvo hópa og fengu báðir hóparnir námskeið Listin að læra en annar hópurinn fékk einnig kyningu á kenningum um hæfileika heilans til að þróa með sér meiri gáfur. Þeir nemar sem fræddust um gáfnakenninguna sneru blaðinu við og einkunnir þeirra fóru hækkandi en hjá hinum héldu þær áfram að lækka sem segir okkur að trú á eigin getu og framfarir skiptir máli.
Á sömu síðu var greint frá rannsókn sem gaf þá niðurstöðu að knús sé hollt. Fólk sem faðmast mikið, af rannsókninni að dæma, á að vera minna móttækilegt fyrir streitu og þar með í minni hættu á að fá hjartasjúkdóma.
Nú er bara að taka sér tak og faðmast reglulega á hverjum degi til að létta á streitunni og trúa því stöðugt að við getum orðið miklu gáfaðari en við erum nú þegar.

Þangað til næst
Kveðja Drífa

Eitt orð getur breytt öllu

2007-02-24T00:42:00.000Z

Ég renndi yfir fréttablaðið í dag og sá þar frétt " Thelma Ásdísar á lista vinstri grænna". Þrátt fyrir lítinn áhuga á vinstri grænum þá renndi ég yfir greinina og rak augun í þessa furðulegu setningu "Thelma vinnur hjá Stígamótum og það lá óvenjuvel á henni þegar fréttablaðið hringdi".

Ég þekki nú ekki mikið til þessarar ágætu konu en varð vör við hana í fjölmiðlum eins og sjálfsagt aðrir þegar bókin hennar "Myndin af pabba" kom út. Það litla sem ég hef séð af Thelmu þá hefur mér fundist hún bara nokkuð kát og glöð þrátt fyrir allt sem hún hefur mátt þola og undrast því þessi ummæli (sem eru nú örugglega mistök blaðamanns sem ég rak nefið í).

Thelma var reyndar mjög kát þegar fréttablaðið hafði samand þar sem hún hafði fengið fregnir af því að klámráðstefnan yrði ekki að veruleika sem ég ætla nú ekki að commenta um enda tengist það ekki þessum skrifum mínum. Að mínu mati hefði mátt segja frá gleði Thelmu á annan hátt t.d. " Thelma vinnur hjá stígamótum og lá vel á henni þegar fréttablaðið hringdi þar sem hún hafði fengið fregnir af því að.... bla bla bla. Óvenjuvel í burtu og fólk (allavega ég) fær allt aðra sýn á lundarfar Thelmu. Spurning að sækja um hjá fréttablaðinu.

þangað til næst
Kveðja Drífa

Seint blogga sumir en blogga þó

2007-02-22T20:19:00.000Z

Ég er alltaf fegin þegar þessir árlegu dagar eru á enda þ.e. bolludagur, sprengidagur og öskudagur. Við fjölskyldan skelltum okkur á öskudagsball að vanda eins og sjá má.

Ég ásamt Magnúsi og Eyjólfi. Guðný var draugur og Eygló Norn. En til að gleðja ykkur setti ég hér mynd sem ég lofaði Sirrý. Þetta er semsagt hún Linda mín eftir lagninguna, flott á því.

Þangað til næst

Kveðja Drífa

Innlit - Útlit , framhald

2007-02-15T23:02:00.000Z

Árið 1999 var farið að bera á því að útliti mínu hrakaði (sjá mynd)

Síðan þá hefur þetta farið versnandi ár frá ári og um daginn leit ég einhvernveginn svona út (sjá mynd).

Einstæða móðirin með rauðvínið hafði sitt álit og vildi meina að ég liti betur út með hárið beint upp, heldur en út um allt, svo ég breytti enn og aftur um stíl og setti nú nýjustu myndina af mér með gult hárið greitt upp. Allt fyrir einstæðu móðurina í Hafnarfirði sem drekka rauðvín.
Skál fyrir því :o)

Þangað til næst
Kveðja Drífa.

Innlit - Útlit

2007-02-15T22:31:00.000Z

Hún Linda mín vakti athygli einstæðrar móður úr Hafnarfirði á útliti mínu með spurningu sinni "Hvernig finnst þér hárið á Drífu á myndinni? ". Ég var ný búin að koma með ráð um að vera ekki að spyrja spurninga á við þessa en sumir taka ekki tali :o)

Einstæða móðirin með rauðvínið vildi meina að útlit mitt hafi verið gott árið 1998 (sjá mynd) en eftir það hafi því hrakað en það var einmitt þá sem ég flutti í Hrísey frá Vestmannaeyjum. Það er því spurning hvort það tengist flutningnum á einhvern hátt. Ég ákvað að líta yfir sögu og strax árið 1999 var farið að bera á þessu.

Þangað til næst

Kveðja Drífa

Viltu svar eða ekki?

2007-02-10T20:27:00.000Z

Það er skrítið að fólk spyr mann oft spurninga en vill í raun ekki svar eða eigum við að segja, ekki hvaða svar sem er.

Fólk spyr mann spurninga af ýmsu tagi:

Hvernig líður þér?
Hvernig finnst þér fötin sem ég er í?
Hvernig finnst ykkur hárið á mér?
Hvað finnst þér um kærastann minn?

Þegar fólk er að spyrja spurninga mætti ætla að fólk vildi fá svör eða hvað? Nei, fólk vill ekki endilega fá hreinskilin svör heldur svör sem hentar því. Fólk getur brugðist hið versta við ef maður svarar eftir sinni bestu sannfæringu og segir satt og rétt frá viðhorfi sínu til ákveðinna viðfangsefna.

Dæmi um óvinsæl svör:

Mér líður mjög illa og er búin að vera með niðurgang í allan dag!
Ég myndi frekar fara í fötunum sem þú varst í áðan!
Hárið er helst til stutt að mínu mati, það fer þér betur að vera með síðara!
Svona þér að segja þá finnst mér hann stundum dónalegur!

Svör af þessu tagi er fólk ekki að leita eftir nema það sé sammála þér og þess vegna er spurning hvort maður eigi nokkuð að vera að svara fólki því það gæti vel farið svo að fólk tali ekki við mann aftur til langs tíma þ.e. ef svarið er rangt að þeirra mati.

Skynsamlegt ráð:

Ekki spyrja fólk spurninga sem þú vilt í raun ekki svar við. Svarið gæti nefnilega verið annað en þú væntir.

Þangað til næst

Kveðja Drífa

Hvað lífið getur verið ósanngjarnt og við fáum í raun litlu ráðið

2007-02-10T15:17:00.001Z

Það er ótrúlegt hvað við fáum í raun litlu ráðið um líf okkar, ekki síst þegar við erum börn og lendum í aðstæðum sem við ráðum ekki við. Mér finnst skelfilegt að heyra allar þessar fréttir af hinum ýmsu heimilum þar sem vistmenn hafa mátt þola ofbeldi eða kúgun af einhverju tagi.
Af frásögnum að dæma fengu drengirnir á Breiðuvík hræðilega meðferð og verð ég reið þegar ég heyri sögur af dvöl þeirra á þessu hræðilega heimili. Að sjá fullorðna einstaklinga brotna saman og gráta fyrir alþjóð, fjörtíu árum eftir þessa atburði, bendir til þess að mikið hafi gengið á. Hvernig var hægt að senda unga drengi út í sveit og láta slíkt ofbeldi sem þar virðist hafa átt sér stað viðgangast án nokkurs eftirlits.

Valdbeiting, ofbeldi og virðingarleysi við allt, sem lífsanda dregur, hefur verið ríkjandi við stjórnun heimsmála í aldanna rás en ekki síður við stjórn í fjölskyldum, á heimilum og öðrum stöðum. Það virðast alltaf einhverjir vitleysingar ná völdum og höndla ekki að nýta þau til góðs heldur nýta það til að brjóta á öðrum.

"Félagsmálaráðherra ætlar að láta rannsaka málefni vistheimilisins í Breiðuvík og fleiri stofnana og hagi þeirra sem þar voru vistaðir. Til greina kemur að greiða vistmönnum bætur vegna hrottalegrar meðferðar á heimilinu." vísir.is.

Það á sem betur fer að rannsaka málefni Breiðuvíkur og setja aura í að veita þeim áfallahjálp. Ég held að stjórnvöld ættu að taka sig saman í andlitinu og efla fagmennsku á vistheimilum en kasta ekki peningunum út um gluggann (í einhverja vitleysinga) og fría sig þannig allri ábyrgð “Fyrirgefið, við bara gleymdum að fylgjast með"

Þangað til næst
Drífa

Að flagga líkamspörtum

2007-02-05T19:45:00.000Z

Ég rakst á grein á vísir.is sem ber þetta furðulega heiti "Paris Hilton og Ron Jeremy flögguðu líkamspörtum". Mér hálf brá og sá fyrir mér þetta ágæta fólk sveiflandi líkamspörtum sínum eða annarra en sem betur fer var þetta ekki svo slæmt heldur voru þau að sýna hvort öðru ákveðin svæði á líkama sínum. Fréttir herma að þau hafi farið í samkvæmisleik fyrir einhverjum árum "Ég sýni þér mitt, ef þú sýnir mér þitt" skemmtilegur leikur, ekki satt??? Spurning hvort leikir sem þessi verða teknir upp á Þorrablóti Hríseyinga um komandi helgi :o) Miðað við ýmislegt sem gengur á í okkar annars ágæta þjóðfélagi þá kæmi það manni ekki á óvart.
Lesið frétt:
http://www.visir.is/article/20070205/LIFID01/70205087/-1/LIFID

Þangað til næst

Kveðja Drífa

Blessaðir bílarnir

2007-02-04T20:52:00.000Z

Bílahald hefur verið efni bloggsins hjá mér í dag og ég hef mínar skoðanir hvað það varðar.
Mér fannst hálf óhugnanlegt þegar ég rak nefið í þær fimm fréttir frá Mbl sem birtast hér neðst á síðunni hjá mér en þær vekja mann enn frekar til umhugsunar um mikilvægi þess að hver og einn hugi að því hvernig hann hagar sér í umferðinni. Slysin gera ekki boð á undan sér og þess vegna er mikilvægt að meta aðstæður hverju sinni og sofna ekki á verðinum.

Þessar óskemmtilegu fréttir var að finna á Mbl.is í dag:

Umferðarslys á Miklubraut
Bílvelta á Snæfellsnesvegi
Átta fluttir á sjúkrahús eftir þriggja bíla árekstur
Þriggja bíla árekstur varð við norðurenda Hvalfjarðarganganna
Bílvelta við Grundartanga

Þangað til næst
Kveðja Drífa

Hver hefur rétt og hver ekki?

2007-02-04T15:57:00.000Z

Oft er rætt um hundahald á hinum ýmsu stöðum en nú nýlega lenti ég á spjalli um bílahald í Hrísey og vakti athygli mina að viðkomandi aðili talaði um rétt sinn til að eiga bíl. Jú, jú það hafa sjálfsagt allir rétt til að eiga bíl og sumir rétt til að keyra hann um göturnar í Hrísey en ef allir ætla að nýta þennan rétt sinn verður (ef heldur áfram sem horfir) bráðlega einn bill (og jafnvel dráttarvél og snjósleði) við öll hús í Hrísey sem þýðir samkvæmt talningu minni á húsum hér í Hrísey um 100 bílar. En athugið! aðeins ef við vonumst til þess að það verði bara einn bill á heimili en ekki tveir eins og er mjög algengt í öðrum byggðarlögum því þá verða þeir nær 200.

Réttur er eitthvað sem menn telja sig hafa og virðist mörgum vera sama um aðra þegar þeir huga að rétti sínum hvað varðar hin ýmsu málefni. Ég hef jú rétt til að eiga bíl í Hrísey og leggja hér fyrir utan heimili mitt en hvað fylgir þeim rétti mínum að vera bílaeigandi og aka um á bílunum mínum?? Lítum aðeins á rétt minn og því sem honum fylgir:
1. Ég þarf að fara eftir settum umferðarreglum ekki satt??
2. Ég þarf að virða hámarkshraða , umferðaskilti og gangandi vegfarendur
3. Ég þarf að nota bílbelti
4. Ég þarf að setja börnin mín í bílstóla og bílbelti eftir því sem við á
5. Ég þarf að fara með bílinn minn í skoðun
6. Ég þarf að borga tryggingar af bílnum mínum
7. Ég þarf að hafa ökuskírteini
8. Ég má ekki keyra full eða undir áhrifum lyfja
9. Og svo má lengi telja

Þangað til næst
Kveðja Drífa

Áframhald: Hver hefur rétt og hver ekki?

2007-02-04T15:54:00.001Z

Ef ég tala um rétt minn til að eiga bíl og aka honum um þá er ansi margt sem ég þarf að uppfylla til að missa ekki þann rétt sem ég tel mig hafa. Brot á lögum og reglum fyrirgera nefnilega oft rétti fólks til að halda rétti sínum, skrítið ekki satt. Ég sjálf missti rétt minn í ákveðin tíma (svona með sjálfri mér þar sem ég var ekki tekin fyrir brotið) því ég braut eitt af ofangreindu fyrir nokkrum árum. Ég hef iðrast og öðlast rétt minn aftur og ætla að halda honum.

Þangað til næst
Kveðja Drífa

Áframhald: Hver hefur rétt og hver ekki?

2007-02-04T15:52:00.000Z

Ég er sögð vera á móti bifreiðum í Hrísey og má vel vera að eitthvað sé til í því. Þegar ég flutti í Hrísey fannst mér umhverfið hér mjög sérstakt því hér voru nánast engar bifreiðar heldur aðeins dráttarvélar. Fólk sem heimsótti mig fannst þetta mjög merkilegt en nú í dag finnst þeim miður hvernig málin hafa þróast og tala ekki lengur um sérkenni okkar sem var „dráttarvélar“ heldur tala um það hve margir bílar séu í Hrísey. Ég tel að þetta hafi áhrif á ferðamennsku í Hrísey, því miður. Það er nefnilega skemmtilegt að heimsækja staði sem hafa sérkenni eða það finnst mér.

Þangað til næst
Kveðja Drífa

Áframhald: Hver hefur rétt og hver ekki?

2007-02-04T15:48:00.000Z

En ég vil frekar segja að ég sé á móti þeim sem aka bifreiðunum og fara ekki eftir lögum og reglum hvað það varðar því bíllinn er dauður hlutur sem við lifandi stjórnum. Það er leitt að sjá suma ökumenn, hvort sem er á bifreiðum eða dráttarvélum, keyra um Hrísey eins og kóngar í sínu eigin ríki sem þurfa ekki að taka tillit til annarra, hvorki farþega í bílnum né þeirra sem verða á vegi þeirra.

Sumir hverjir virða hvorki hraðatakmörk né umferðarskilti. Sumir nenna ekki að spenna á sig beltið. Sumir láta börnin vera laus í bílunum og jafnvel sitja á lærum sér undir stýri (og vil ég ekki hugsa þá hugsun til enda ef eitthvað kemur uppá). Sumir velta ekki fyrir sér hvort lítið barn geti komið hlaupandi fyrir næsta horn eða sé að renna sér í næsta nágrenni. Það er þetta sem ég er á móti.

Ég veit vel að þetta á ekki við um alla og sumir keyra mjög varlega um götur hér í okkar ástkæru eyju, Hrísey, en það á því miður ekki við um alla.

Þess vegna spyr ég : Hafa allir rétt til að aka bíl í Hrísey?
Mitt svar er: nei, því margur hefur brotið lög og reglur og fyrirgert rétti sínum hvað það varðar, ekki bara einu sinni heldur oft, jafnvel dag eftir dag.

Þangað til næst
Kveðja Drífa

Börn og barnauppeldi

2007-02-03T19:11:00.000Z

Ég rakst á þetta á ferð minni um veraldarvefinn og ákvað að skella þessu hér inn

Einhver sagði:

ef þú ert "góð" móðir muni barnið líka "verða gott"
......sá hinn sami heldur að barni fylgi leiðbeiningar og ábyrgðarskírteini

Þangað til næst

Kveðja Drífa

Nýtt útlit

2007-02-02T18:05:00.000Z

Ég ákvað í kjölfar skrifa Lindu um falsaðar myndir að skella nýrri mynd af mér á síðuna haha. Ég veit að Ómar (minn) verður mjög ánægður þegar hann sér þessa breytingu á síðunni en það er spurning hvað Ómar (þinn) segir við því :o)

Þorrablót að nálgast

2007-02-02T16:52:00.000Z

Þorrablót Hríseyinga er að ganga í garð og spurning hvernig það mun ganga fyrir sig þetta árið.

Fregnir herma að fleiri vilji koma en húsrúm leyfir og nefndarmenn séu farnir að svitna og sjái jafnvel fyrir sér að nefndin þurfi að sitja heima eða hreinlega að halda þurfi blótið utan dyra. Það er því spurning hvort ekki sé ráð að halda blótið þar sem fjölnota húsið mun standa í framtíðinni svo allir fái að vera með.
Vel hefur gengið að grafa fyrir grunninum og gæti það því vel gengið upp ef nægjanlegt skjól er (af Hlein) í moldargrunninum og viðkæmir geta jafnvel fengið borð á botni sundlaugarinnar þar sem hún stendur tóm. En án alls gríns þá verður hið glæsilega Þorrablót ársins 2007 haldið í Sæborg þann 10. febrúar og ætla þá Hríseyingar og gestir að skemmta sér, borða, blóta og dansa við lög Geirmundar fram á rauða nótt.

Þangað til næst

Kveðja Drífa

Grafarþögn

2007-02-02T16:47:00.000Z

Hér hefur ríkt grafarþögn undanfarna daga enda hef ég verið að lagfæra þessa síðu og reyna að gera hana skárri, en hún skánar ekki neitt.

Ég var að ljúka við Grafarþögn sem hefur legið á náttborðinu mínu síðustu daga og var hún bara helv.... góð enda ekki við öðru að búast þegar slíkur höfundur sem Arnaldur á í hlut. Nú þegar Grafarþögn er á enda er ég að hugsa um að skella "Furðulegt háttalag hunds um nótt" á náttborðið hjá mér eftir Mark Haddon. Þar sem ég hef lítið lesið nema fræðibækur undanfarin 6 ár hef ég dregist aftur úr með að lesa allar mínar ágætu kiljur og ætla ég að njóta þeirra þar til ég verð tilbúin að hella mér út í Meistaraprófsritgerðina, púffidípúff, sem vonandi verður á næstunni.

Linda var eitthvað að commenta og hafa efasemdir um að myndin af mér sé tekin á toppi Mælifells en hún þyrfti ekki að efast ef hún hefði nennt með ha ha ha. Hver veit nema hún Linda mín eigi eftir að standa í mínum sporum, á toppi Mælifells, í framtíðinni og rita nafn sitt undir mitt til sönnunar fyrir afrekinu.

Annars gengur lífið sinn vanagang hér á Norðurveginum í Hrísey og lítð að gerast sem er í sjálfu sér ágætt og bendir til stöðugleika :o) Á maður ekki að líta á björtu hliðarnar.

Þangað til næst
Kveðja Drífa

Er að hafast

2007-01-29T01:40:00.000Z

Þar sem ég hef aldrei notað bloggsíðu sem þessa þá lenti ég í smá vandræðum með að koma þeim upplýsingum sem ég vil hafa hér á réttan stað en þetta er að hafast, held ég.
Þegar ég svo ákvað að hafa mynd af mér á síðunni, svona til gamans, komst ég að því að það eru engar myndir til af mér til sem er skiljanlegt þar sem ég er í flestu falli bak við myndavélina. Ég endaði með að setja mynd af mér sem var tekin á toppi mælifells síðastliðið sumar svona aðeins til að monta mig á þeirri göngu. En svo ég vakni til vinnu á morgun held ég að ég ætti að fara að hætta þessu og koma mér í ró.