mánudagur, 12. maí 2008

Helgin á enda...

Nú er þessi langa helgi að taka enda og ég verð að segja að mér þótti hún lítið lengri en aðrar helgar :o) enda flýgur tíminn áfram. Helgin var samt sem áður ánægjuleg:

Við ákváðum að vera heima hjá okkur á laugardaginn, aldrei þessu vant, þó svo Kaffihúsakórinn frá Vestmannaeyjum væri út í Hrísey með tónleika í Sæborg og Brekka væri auglýst opin fram á nótt :o) Við skelltum okkur aftur á móti út í eyju á sunnudeginum og sáum þá vegsummerki, á fólki, um næturopnun Brekku og vorum dauðfegin að hafa verið heima hjá okkur kvöldinu áður. Ég og Eygló fórum í húsvitjanir meðan Ómar fór á Brekku að horfa á einhvern mjög mikilvægan leik, ekki spyrja mig hvaða, og svo enduðum við hjá tengdó í grillveislu. Við vorum svo heppin að hitta Árna og Ólaf, litla, Þorstein en Ella var fjarri góðu gamni, á flækingu erlendis.

Í dag byrjuðum við á garðyrkjustörfum en að þeim loknum fórum við á Laugar til að heimsækja Höllu og fjölskyldu en það var orðið MJÖG langt síðan síðast. Kristján og nafni hans komu og svo Gauti, Rúna og Alída líka svo það var fjör í sveitinni.
Eygló og Alída voru í fimleikum úti á lóð og svo var Eygló svo heppin að fá að prófa fjórhjólið hennar Alídu. Henni þótti ekki leiðinlegt að þeysast um og náði bara nokkuð góðum tökum á þessu













Hér er daman á hjólinu !













Alída flott í gallanum sínum, vel varin!


Smá vídeo af Eygló á Hjólinu

Þangað til næst
Kveðja Drífa



2 ummæli:

Nafnlaus sagði...

fínar myndir af þér eygló mín og þú ert greinilega góð í fimleikum og flott þetta fjórhjól en ég sá enga vídeóupptöku ´bið að heilsa öllum kveðjur amma í Vestmannaeyjum.

Nafnlaus sagði...

Er ekki kominn Evróvision fílingur í fólkið
kv úr Hafnarfirði
Gréta